Skip to content Skip to left sidebar Skip to footer

PERSOAL E FACENDA

OS NOVOS ORZAMENTOS MUNICIPAIS PROTAGONIZAN O NOVO NÚMERO DO BOLETÍN “AS7PARROQUIAS”

O Concello de Cedeira vai distribuír estes días entre a veciñanza un novo número, o 17, do boletín “As7Parroquias”, no que informa das principais novidades e logros do traballo municipal nos últimos dous meses. Desta volta o boletín destaca na súa portada a aprobación dos novos orzamentos municipais, que poñen o acento no eido dos servizos sociais, e tamén o compromiso acadado pola Consellería de Sanidade da Xunta de Galicia para retomar as xestións e poñer en marcha a ampliación do Centro de Saúde de Cedeira.

“As7parroquias” detalla tamén as obras que están en marcha ou que remataron recentemente, e os principais proxectos de investimento que se consignaron nas contas de 2021. Informa tamén da reserva de 70.000 euros para lanzar unha nova convocatoria de axudas municipais a empresas e autónomos, coa finalidade de paliar os efectos da pandemia, así como dos fondos adicados a sufragar actividades do tecido asociativo da vila.

A aprobación por primeira vez na historia de Cedeira duns orzamentos participativos, que se elaboraron por parte do alumnado de 4º da ESO do IES Punta Candieira, e a moción unánime dos grupos municipais para cubrir o patio do Areal do CEIP Nicolás do Río son outros dos temas que aborda o boletín, no que tamén se dá conta da finalización da redacción do proxecto para a recuperación integral do curso medio do río Condomiñas.

A contraportada de “As7Parroauias” está adicada, como é habitual, ao tecido asociativo da localidade. Nesta ocasión ofrece unha reportaxe sobre ABAC, a Asociación de Benestar Animal de Cedeira, e o seu traballo polo control das colonias de gatos.

DESCARGA PDF Boletín “As7Parroquias”

AXUDAS PEL 2021

Aberto o prazo para solicitar as axudas PEL Emprende Autónom@s.
Estas diríxense ás persoas autónomas da provincia con menos de 5 anos de actividade.

O programa permitirá achegar axudas de 2.400 euros e sufragar un ano de cotas á Seguridade Social.

Prazo para o envío de solicitudes: aberto ata as 14.00 horas do 15 de abril.

Máis información na seguinte ligazón:
https://emprego.dacoruna.gal/

 

O BOP VEN DE PUBLICAR AS BASES DO PROCEDEMENTO DE SELECCIÓN DE PERSOAL LABORAL TEMPORAL AO ABEIRO DO PROGRAMA PEL-CONCELLOS REACTIVA2021

Na seguinte ligazón pode accederse ao texto íntegro das bases reguladoras do procedemento de selección de persoal laboral temporal a tempo completo, a contratar ao abeiro do Programa de Integración laboral mediante execución de obras e servizos mínimos municipais subvencionado pola Deputación Provincial da Coruña. Programa PEL-Concellos Reactiva 2021.

IR Á LIGAZÓN Bases Reguladoras do procedemento de selección do Programa de Integración laboral mediante execución de obras e servizos mínimos municipais subvencionado pola Deputación Provincial da Coruña.