Cedeira pode garantir a calidade da auga das praias segundo o informe de sanidade da Xunta de Galicia
O goberno municipal de Cedeira valora a clasificación sanitaria final da auga das praias para o 2020, que é de “excelente” no caso do areal de Arealonga e de “boa” no da Madalena, segundo o informe emitido pola Consellería de Sanidade da Xunta de Galicia.
O alcalde, Pablo Diego Moreda Gil, entende que “se trata dunha calificación moi boa, aínda que seguiremos traballando para que a Madalena pase de boa a excelente”. Moreda Gil recorda que o informe recolle a media dos últimos catro anos.
O rexedor municipal considera que os resultados responden a unha serie de accións que se están a levar a cabo desde o ano 2015, entre as que destacou o feito de apostar e seguir apostanto por canalizacións separadas de pluviais e fecais na red de sumidoiros, pola posta en marcha do servizo de recollida de aceite usado e polas actuacións executadas para acabar cos puntos de verteduras localizados, entre outras. Tamén valorou a contribución tanto da Xunta de Galicia como da Asociación ARCE (Amigos dos Ríos de Cedeira) á conservación do medio ambiente.
Estas melloras terán continuidade este mesmo ano, segundo o alcalde, cun novo investimento de 300.000 euros para novas obras na rede de sumidoiros, “que era o maior problema de contaminación que había”, e por controlar e evitar posibles futuras verteduras.
