MOCIDADE

Charla do ANPA do IES sobre orientación vocacional, o venres

CHARLA DO ANPA DO IES SOBRE ORIENTACIÓN VOCACIONAL, O VENRES

O ANPA O Beco, do IES Punta Candieira, inicia o ciclo de charlas didácticas e formativas «Falamos con», coa intervención de Fabiana Feijoó Musi, que falará sobre a orientación vocacional. A sesión, dirixida aos pais, impartirase mañá (18 horas) no salón de actos do instituto, aberta a todos os interesados. Persegue, entre outros fins, axudar a descubrir o talento de cada mozo, para que elixa a carreira máis adecuada ao seu perfil.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Charla do ANPA do IES sobre orientación vocacional, o venres

A Xunta apoia a proposta do Concello de usar o local da estación de autobuses como centro para a mocidade

A XUNTA APOIA A PROPOSTA DO CONCELLO DE USAR O LOCAL DA ESTACIÓN DE AUTOBUSES COMO CENTRO PARA A MOCIDADE

A demanda detectada polo goberno de Cedeira a través das conversas mantidas coa mocidade local e máis recentemente coa ANPA O Beco está detrás da reunión de traballo celebrada hoxe entre o director xeral de Mobilidade, Ignacio Maestro Saavedra, e os representantes municipais, o alcalde, Pablo Moreda Gil, e a primeira tenente de alcalde, María Xosé Rodríguez Pérez.

A necesidade de crear un centro de ocio e reunión para a mocidade de Cedeira levou ao Concello a estudar a posibilidade de facerse coa propiedade do actual edificio da estación de autobuses -agora en mans da Xunta- para, posteriormente, darlle o uso que demanda a xuventude local.

E a conversa mantida hoxe con Ignacio Maestro Saavedra foi máis satisfactoria, segundo os responsables municipais, xa que o representante da Xunta confirmou que existe a posibilidade de revertir a concesión que ata 2016 estivo en mans da empresa Arriva, ademais de animar ao Concello a aproveitar o local para darlle novos usos. Maestro tamén lles apuntou que os trámites marchan polo camiño correcto e que o asunto está cerca de ser unha realidade.

A pesar deste bos prognósticos, o goberno cedeirés quere mostrar unha certa prudencia, por considerar que sempre poden xurdir atrancos. Neste sentido, cabe apuntar que o cambio á fronte da Dirección Xeral de Mobilidade obrigou ao Concello a iniciar unhas conversas que tiña máis avanzadas co anterior responsable da área de Mobilidade.

O local do que se está a falar ten aproximadamente 200 metros cadrados de superficie e actualmente está baleiro desde que no mes de decembro acabou a concesión que tiña Arriva.

Comenzan as xornadas de seguridade vial no colexio Nicolás del río de Cedeira

COMEZAN AS XORNADAS DE SEGURIDADE VIAL NO COLEXIO NICOLÁS DEL RÍO DE CEDEIRA

Os alumnos de cuatro e quinto de Primaria do colexio Nicolás del Río de Cedeira foron os primeiros en participar nas xornadas de Seguridade Vial organizadas polo Concello coa colaboración do equipo de Seguridade Vial do Concello de Narón. A iniciativa, na que tomarán parte a totalidade do alumnado do centro (453 rapaces), terá continuidade os próximos días con actividades específicas para cada segmento de idade.

Hoxe mesmo mentres que os nenos de Primaria (de 9 a 11 anos) facían uso do circuíto habilitado no recinto escolar, os máis pequenos asistían, pasadas as doce e media do mediodía, a unha sesión de contacontos. En ambos os dous casos, o obxectivo era o mesmo: “que os pequenos tomen contacto e aprendan a circular como peóns e futuros condutores” segundo explicou o concelleiro de Educación, Robustiano Labraña.

Este aprendizaxe soportase nun completo circuíto que instalado no recinto escolar que permite demostrar aos máis novos como se deben respectar a señais de tráfico, o uso correcto do cinto de seguridade e a circular como peón ou condutor de bicicleta. Coches de pedais, bicicletas, señais verticais, entre outros equipamientos, axudan aos rapaces a meterse nun papel que afectan á convivencia de todos.

O punto de partida desta convocatoria arrancou a pasada semana coa celebración de charlas informativas e o reparto de material cedido pola Fundación Mapfre por parte da Policía Local. Todas as actividades se levarán a cabo en horario lectivo. Neste sentido, Robustiano Labraña señalou que “a iniciativa responde á necesidade de suplir a falla de materias que agora non están contempladas na educación reglada”.

O Concello achega as nocións sobre as normas viarias aos escolares

O CONCELLO ACHEGA AS NOCIÓNS SOBRE AS NORMAS VIARIAS AOS ESCOLARES

Achegar a educación viaria aos alumnos do CEIP Nicolás del Río de Cedeira é o obxectivo das xornadas que, organizadas polo Concello, arrincaron onte no centro educativo. Os primeiros en “catar” o circuíto habilitado no centro escolar polos membros do Equipo de Educación Viaria de Narón que desprazaron á vila cedeirense o seu material, foron os alumnos de 4º e 5º de Primaria. A instalación non só achegou os sinais de tráfico aos menores, senón que tamén o uso correcto do cinto de seguridade e o comportamento adecuado para circular como peóns e como futuros condutores, tanto de vehículos motorizados como de bicicletas.

Na iniciativa tomarán parte os 453 alumnos do centro con actividades adaptadas a todas as franxas de idades. Así mentres os de Primaria tomaban contacto co circuíto, os máis pequenos asistían a unha sesión de contacontos.

O punto de partida da convocatoria tivo lugar a pasada semana coa celebración de charlas informativas e o material cedido pola Fundación Mapfre. Todas as actividades levarán a cabo en horario lectivo e tal e como lembrou o concelleiro de Educación, Robustiano Labraña, “responden á necesidade de suplir a falta de materias que agora non están contempladas na educación regrada”, dixo.

Fonte: Diario de Ferrol

Pode consultar a nova na seguinte ligazón:

IR Á LIGAZÓN O Concello achega as nocións sobre as normas viarias aos escolares

A nova ANPA do IES Punta Candieira urxe a apertura dun centro de lecer xuvenil

A NOVA ANPA DO IES PUNTA CANDIEIRA URXE DUN CENTRO DE LECER XUVENIL

A nova directiva do ANPA O Beco, do IES Punta Candieira, expuxo ao goberno local «a necesidade social de que aposte de forma clara e urxente pola apertura dun centro de ocio para a xuventude». Beatriz Piñón preside a xunta; Laura Rey é a secretaria; Mª Beatriz Pena, a tesoureira; e Diego Rodríguez, vocal.

Na reunión coa edila de Servizos Sociais, Manuela López (BNG), presentaron os proxectos previstos, en colaboración co IES. Participarán en Voz Natura coa actividade Centauros do Mar e traballarán na promoción da igualdade, talleres (fotografía, edición de vídeo e televisión, ou maquillaxe de fantasía), préstamo de libros de lectura obrigada no centro (xa existente) ou o equipamento do local do ANPA.
Fonte: La Voz de Galicia
Pode consultar a nova na seguinte ligazón:
IR Á LIGAZÓN A nova ANPA do IES Punta Candieira urxe a apertura dun centro de lecer xuvenil

O Concello leva a seguridade vial ás aulas coa celebración dunhas zornadas no CEIP Nicolás del Río

O CONCELLO LEVA A SEGURIDADE VIAL ÁS AULAS COA CELEBRACIÓN DUNHAS XORNADAS NO CEIP NICOLÁS DEL RÍO

A totalidade do alumnado do CEIP Nicolás del Río de Cedeira – a matrícula actual é de 453 rapaces- tomará parte nas primeiras Xornadas Escolares de Seguridade Vial que, organizadas polo Concello a través da concellería de Educación, se desenvolverán ao longo da próxima semana nas propias instalacións do centro escolar

O responsable da área, Rubustiano Labraña, explicou que “a iniciativa responde á necesidade de suplir a falla de materias que agora non están contempladas na educación reglada”. O Concello considera importante que os nenos tamén se formen en cuestións que afectan á convivencia de todos.

A iniciativa arrancou hai uns días coa celebración de charlas informativas e o reparto de material da Fundación Mapfre por parte de membros da Policía Local do municipio, e retomarase o próximo luns, en horario lectivo, con actividades de tipo práctico. Para levar a cabo este apartado, o Concello de Cedeira conta coa colaboración do grupo de Seguridade Vial de Narón, que desprazará ao colexio cedeirés o dispositivo e os equipos dos que dispoñen para que os nenos -con idades comprendidas entre os 3 e os 12 anos- tomen contacto e aprendan a circular como peóns e futuros condutores polas rúas e demais espazos públicos.

O Concello de Narón porá a disposición dos nenos cedeireses coches de pedais, bicicletas, señais verticais e un completo parque de tráfico infantil para que os alumnos poidan levar á práctica a parte teórica desta aprendizaxe sobre seguridade vial. Estas leccións adaptaranse ás idades dos alumnos. Para os máis novos tamén están pensadas unhas sesións de contacontos con esta mesma temática e a estas alturas tampouco se descarta a celebración dunha exposición de material cedido pola Policía Local.

Robustiano Labraña agradece públicamente ao Concello de Narón a súa colaboración para que os nenos de Cedeira poidan iniciarse nun asunto tan importante como é o da seguridade vial coa fin de mellorar a circulación de vehículos e persoas e evitar nun futuro posibles accidentes.

O Concello de Cedeira colaborou coa asociación de jóvenes empresarios para xerar oportunidades de negocios entre emprendedores

O CONCELLO DE CEDEIRA COLABOROU COA ASOCIACIÓN DE JÓVENES EMPRESARIOS PARA XERAR OPORTUNIDADES DE NEGOCIOS ENTRE EMPRENDEDORES

O auditorio municipal de Cedeira acolleu hoxe un encontro de networking empresarial que, organizado pola Asociación de Jóvenes Empresarios (AJE), representou unha boa oportunidade de contacto e negocio para os 40 asistentes. O Concello local participou como entidade colaboradora.

O alcalde, Pablo Moreda Gil, interviu na clausura dun acto que calificou de “enriquecedor” por considerar que favorece as sinerxias que crean empleo e contribúen ao desenvolvemento dos pobos. Moreda Gil explicou que o Concello cedeirés sempre se mostra disposto a colaborar na realización desde tipo de iniciativas xa que, ademais de ser “unha experiencia bonita”, permiten ás administracións implicarse moi directamente no pulo da economía local e na creación de postos de traballo. O alcalde destacou o potencial que representa poñer en contactos a empresarios que ofrecen moi distintos servicios e sinalou o feito de que con moi poucos recursos públicos, como pode ser ceder unhas instalacións municipais, se pode facer moito para mudar unha situación ou tendencia pouco favorable. Moreda tivo verbas de agradecemento para os responsables de AJE por apostar pola vila para a celebración do networking. O alcalde estivo acompañado pola primeira tenente de alcalde e responsable das áreas de Urbanismo, Cultura e Turismo, María Xosé Rodríguez Pérez.

O presidente da Asociación de Jóvenes Empresarios (AJE), Luis González, interviu porteriormente no peche do acto para destacar a colaboración que atoparon os responsables da asociación empresarial no equipo de goberno para a organización do encontro.

Seguridade viaria para os alumnos do CEIP Nicolás del Río

SEGURIDADE VIARIA PARA OS ALUMNOS DO CEIP NICOLÁS DEL RÍO

As xornadas escolares de seguridade viaria promovidas polo Concello de Cedeira comezarán o martes, con dúas charlas, unha dirixida ao profesorado do CEIP Nicolás do Río (18 horas) e outra aos pais. O equipo de seguridade viaria do Concello de Narón impartirá ambas sesións e a semana do 27 ao 31 de marzo, o alumnado do centro recibirá clases teóricas e prácticas sobre educación viaria. Contarán para iso co parque infantil de tráfico de Narón, cedido polo Concello, actividade que se complementará cun contacontos, unha exposición de material organizada pola Policía Local de Cedeira, e labores de control do tráfico nas inmediacións do centro por parte dos estudantes de maior idade. Doutra banda, a Fundación Mapfre entregou onte ao Concello cedeirense libros e outros recursos didácticos sobre seguridade viaria, para repartir entre todos os escolares do CEIP Nicolás do Río.

Fonte: La Voz de Galicia

Pode consultar a nova na seguinte ligazón:

IR Á LIGAZÓN seguridade viaria para os alumnos do CEIP Nicolás del Río