NOVAS

A AUGA Ė UN DEREITO HUMANO

Directiva Marco da Auga da UE : A auga non é un ben comercial como os demais, senón un patrimonio a defender e protexer.
Cada mañá abrimos a billa e sae auga limpa, potable e segura. Parece o normal.
Pero no mundo màis de MIL Millón de persoas non dispoñen dela e o problema vai a màis. Cada minuto morren 7 persoas no planeta por beber auga insalubre.
Segundo a OMS (Organización Mundial da Saúde) son precisos entre 50 e 100 litros por persoa e día para satisfacer as necesidades humanas màis básicas, o tempo necesario para surtirse de auga non debe sobrepasar os 30 minutos e a fonte debe estar como máximo a 1Km do fogar.

O PLANETA AZUL
Debería chamarse planeta Auga en vez de planeta Terra dado que as tres cuartas partes da súa superficie está cuberta por auga. Pero só o 3% è auga doce, que se atopa nos ríos e nos lagos, e dela dependemos para sobrevivir os seres humanos, os animais e as plantas. E ademáis é constante, non varía, pero os modernos hábitos de consumo e produción medran continuamente. Como tamén medra a poboación mundial, o quentamento global e a contaminación, a auga convèrtese nun produto de gran valor, incluso en Galicia onde, desde hai anos, se producen preocupantes períodos de seca, esgotamento dos mananciais e debilitamiento do cauce dos ríos.
Non estamos a salvo.
A vida sen auga non é concebible.
As persoas somos auga nun 60% e un 78% nos bebés. Morreríamos aos poucos días de deixar de beber.

POR QUE DEBEMOS AFORRAR AUGA?

Porque é indispensable para a vida e só unha moi pequena parte é útil.
Porque a pesares de ser un recurso renovable non é infinita.
Porque antes de consumila hai q captala, transportala, bombeala e potabilizala o que implica un gran consumo de enerxía que ,ainda sendo limpa, é cara.
Porque aforràndoa, reducimos non só a factura polo seu consumo senón, en moitos caso, a factura eléctrica ou gasista para quentala.
Porque aforràndoa e contaminándoa menos protexemos os ecosistemas acuàticos.

QUE PODEMOS FACER CADA UN DE NÓS
Podemos usar a auga màis eficientemente na nosa vida diaria aforrando e, às veces, reutilizando, nomeadamente na cociña, no baño, cando lavamos o coche, …
En Galicia consumimos unha media de 140 litros por persoa O día cando a metade debería ser suficiente. Cómpre modificar os hábitos cotiàs sen que se resinta a nosa calidade de vida pero si as facturas de cada mes.
Se nos centramos primeiro va vivenda, tanto na cociña como no baño, teníamos que :

Detectar as fugas.
Evitar o goteo das billas xa que unha pinga de auga por segundo equivale a 30 litros diarios.
Optar por sistemas monomando(aforro de ata 170 litros ao mes).
Tamén poñer difusores nas mesmas.
Centrémonos primeiro na cociña :
- Mentres deixas correr a auga en espera de que salga quente, recóllea nun recipiente e úsaa, por exemplo, para regar as plantas.
Non tires os residuos à auga, sobre todo o aceite ( un só litro contamina MIL de auga)
Se fregas a louza a man, non deixes a billa aberta.
Usa a lavalouza( aforro de ata un 10%) a plena carga.
Emprega detergentes ecolóxicos, sen fosfatos e non abuses deles. Dificultan o traballo da depuradora.
Enche a lavadora e emprega ciclo axeitado.

QUE FACER NO BAÑO

Ducharte en vez de bañarte. Aforraràs màis da metade de auga e enerxía. Cinco minutos chegan dabondo
E coidado ca temperatura.!
Antes de que salga quente procede como na cociña.
Non uses o inodoro como papeleira. Lembra que tirar tampóns, toalliñas e demais dificulta os traballos de depuración e provoca e atascos.
Instala no inodoro 2 tipos de descarga.
As perdas na cisterna suponen un despilfarro enorme de auga( a posible fuga detectarse con un colorante).

LAVADO DO COCHE
O lavado do noso vehículo consume moita auga. Mellor que facelo á man é utilizar os lavadoiros automatizados, no que se optimiza o gasto da mesma, sobre todo naqueles nos que se recicla.
Se o lavas á man, sustitúe a mangueira por un balde de auga e unha esponja.
Se utilizas a mangueira, péchaa mentres enxabonas o coche.

COMO EDUCAR AOS NEN@S NO CONSUMO DE AUGA

As novas xeracións teñens moita màis conciencia ecolóxica que as precedentes, chegando ás veces a instruir aos sus pais/nais.
En xeral, é necesario insistir nas tres erres clásicas: REDUCIR, REUTILIZAR, RECICLAR.
Nestas idades debemos poñer en valor o consumo de auga, que é escaso, en vez de bebidas carbonatadas, sobre todo durante as comidas e despois de facer exercicio físico ( lembremos que o organismo dos menores contén case un 80 % de auga).
Como en todas as ocasións, hai que predicar co exemplo.
Destacar a importancia das excursións onde a auga esté presente, como ríos ou lagos, sobre todo en épocas de escaseza. Inculcarlles o respeto á natureza.
Non se pode amar o que se descoñece.

O SERVIZO PÚBLICO DA AUGA
Como chega a auga aos nosos fogares? A onde vai a que xa utilizamos?
Parecen preguntas de perogrullo pero non està de màis insistir.
Aos concellos corresponde tanto o suministro como o saneamento das augas residuais.
O suministro leva consigo un gran consumo de enerxía. De aí q sexa necesaria a presión da cidadanía para que os gobernantes poñan todos os medios ao seu alcance tratando minimizar as perdas que son cuantiosas en numerosas ocasións.
A ese posible despilfarro de enerxía no suministro sumaríaselle o da propia auga.
O posterior tratamiento de tipo físico, químico e biológico e a súa depuración tamèn son costosos desde o punto de vista enerxético pero son imprescindibles para evitar a contaminación de ríos e mares.

OS OCÉANOS

Os nosos maltratados pulmóns azuis.
A meirande parte do osíxeno que respiramos non procede das árbores, como habitualmente se cre, senón dos océanos que tamén absorben gran cantidade dióxido de carbono, o gas que en maior proporción é o responsable da EMERXENCIA CLIMÁTICA que estos a sufrir xa.
A maiores, fornécennos dun riquísimo e nutritivo alimento e crea millóns de postos de traballo.
Como é posible entender que existan, polo menos, 5 enormes illas de plàstico- como mínimo- no seu seo, alguna delas da extensión de España, Francia e Alemania xuntas? Parece inimaxinable.
Jaques Cousteau, o màis grande oceanografía do secular XX afirmaba : “Temos que salvar os océanos se queremos salvar à humanidade”.
O Día Mundial do Medio Ambiente ,que acaba de conmemorarse estes días, dedícase este ano a combatir esa plaga que nós mesmos producimos e da que nos costa tanto prescindir.
Cómpre: REDUCIR, REUTILIZAR, RECICLAR.

O CONCELLO DE CEDEIRA PRESENTA ESTE SÁBADO O LIBRO SOBRE A HISTORIA DO PAZO DE MOSCOSO

O Concello de Cedeira celebrará este sábado, 10 de xuño, a presentación do libro “O Pazo de Moscoso en Cedeira: Datos para a súa historia”, obra do cronista oficial da localidade, Rafael Usero. O acto terá lugar ás 12.00h do mediodía no patio do propio inmoble, situado no casco vello e que vén de ser rehabilitado para albergar diferentes dependencias municipais.

A presentación contará coa presencia do autor, Rafael Usero, que tiña listo o manuscrito hai anos, pouco despois de que o Concello comprara o edificio coa intención inicial de adicalo a expoñer os obxectos vencellados á historia local reunidos polo propio Usero. Así, cando está a piques de abrir a exposición coa “colección Usero” en dúas salas do Palacete Municipal, ve tamén a luz o libro sobre o Pazo de Moscoso. O acto celebrarase no patio do edificio, convertido agora en praza pública e no que se ten prantado unha laranxeira en recordo das árbores froiteiras que o poblaban antigamente.

Segundo explicou Ermitas García, concelleira de Cultura en funcións, Rafael Usero conta neste libro, cun estilo moi didáctico, non so a historia do edificio senón tamén parte do pasado da vila de Cedeira. Coa súa lectura é posible descubrir detalles da organización social e do modo de vida dos cedeireses e cedeiresas ao longo de varios séculos. O actual Pazo Moscoso foi construido sobre un antigo palacete medieval, de maneira que percorrer a súa historia e as súas transformacións, usos e diferentes habitantes é tamén achegarse á historia de Cedeira desde a Baixa Idade Media ata a actualidade.

O Concello de Cedeira editou e imprimiu 400 exemplares do libro, que tamén se vai poñer a disposición do público en versión dixital na web municipal. O volume está ilustrado con fotografías cedidas por Iago Leonardo, un fotógrafo nado en Madrid e asentado en México pero moi vencellado a Cedeira por lazos familiares e de amizade.

Desde o goberno local en funcións agradecen a colaboración de Leonardo e o traballo de Rafael Usero, non so nesta investigación sobre o Pazo de Moscoso senón polo completo legado de coñecementos e de obxectos que atesourou ao longo dos anos sobre a historia de Cedeira.

DESCARGA PDF libro “O Pazo de Moscoso en Cedeira: Datos para a súa historia”

CITA ESTA FIN DE SEMANA COA RAPA DA CAPELADA

Os “besteiros” da Capelada teñen todo preparado para celebrar esta fin de semana a tradicional rapa, un costume ancestral que consiste en reunir os cabalos que pastan ceibes pola serra para rexistralos, desparasitalos e cortarlles as crinas. A asociación San Andrés Eventos conta co apoio do Concello de Cedeira para organizar o programa de actos, que comezará xa o sábado pero que terá a cita máis importante na mañá do domingo, cando se reúnen as bestas e se conducen ao curro.

O sábado farase xa o rexistro e desparasitado dos animais e a xornada rematará cunha ceabaile amenizada pola cantante Marisol Novo. A partir das dez da mañá do domingo comezará a baixada das bestas, que serán conducidas ao curro. Alí, os besteiros irán collendo os animais para cortarlles as crinas, diante do público que asistirá desde as bancadas. É un evento que cobrou particular interese o ano pasado grazas á estrea da serie “Rapa”, rodada en Cedeira e que retrataba este particular espectáculo. A asociación San Andrés Eventos ten colocado indicacións para facilitar a afluencia do público ao curro.

Por outra parte, a actriz compostelá Greta Marí (Santiago, 1987) leva este sábado ao Auditorio de Cedeira o seu espectáculo “The Great Greta”, unha peza multidisplinar para o público adulto na que combina danza, humor e circo e que define como unha “oda á xente rara”. Baixo a dirección de Paula Quintas, a creadora e protagonista da obra recrea algúns aspectos da súa propia vida con outros alleos nunha montaxe na que a iluminación e a música son elementos narrativos fundamentais. As entradas custan 2,5€ e poden reservarse anticipadamente ou ben comprarse antes da función na billeteira. A función será ás 20.30h.

Greta Marí estreou recentemente o seu primeiro espectáculo en solitario en Santiago. É licenciada en Ciencias da Actividade Física e o Deporte na especialidade de Danza e graduada en Expresión Corporal pola Facultade de Motricidade Humana de Lisboa. A súa traxectoria como actriz estivo centrada na danza e no circo, cun dúo cómico, un espectáculo de acrobacias e outras experiencias que fusionaban diferentes artes escénicas.