Skip to content Skip to left sidebar Skip to footer

Author: Ana

A obra “O Tolleiro de Inishman” poderase ver o domingo no auditorio de Cedeira

A OBRA “O TOLLEITO DE INISHMAN” PODERASE VER O DOMINGO NO AUDITORIO DE CEDEIRA

O auditorio municipal de Cedeira acollerá o domingo (día 29 de outubro) unha nova representación teatral. Unha convocatoria que será ás 18.30 horas e dará lugar á posta en escena da obra “O tolleito de Inishman”, un espectáculo dirixido por Cándido Pazó e ambientado nunha illa irlandesa, chea de personaxes curiosos, pintorescos, característicos, e entre todos eles un tolleito, un ser desfavorecido que soña con poder ser amado e valorado. Unha
comedia coa que o público se sentirá “atrapado polo humor e a tenrura” dun teatro “tan entra- ñable e tan noso” como o irlandés, tal e como apuntaron algúns críticos.

O Concello segue a substituir puntos autónomos nas vivendas por rede xeral de alumeado

O CONCELLO SEGUE A SUBSTITUÍR PUNTOS AUTÓNOMOS NAS VIVENDAS POR
REDE XERAL DE ALUMEADO

O goberno de Cedeira trata de reducir custos económicos e contaminación medio ambiental coa substitución dos puntos autónomos por unha rede xeral de alumeado. O alcalde, Pablo Moreda Gil, explicou que “o Concello segue a mellorar o alumeado público naqueles núcleos de poboación onde ata agora existían puntos autónomos nas vivendas”.

A última intervención que vai nesta dirección levouse a cabo estes días nos núcleos de Malde -parroquia de Régoa- e O Rego -Montoxo- e consistiu na instalación de 12 novas luminarias ELIUM 24 LED de Benito Light de tecnoloxía LED de 53 W de potencia, unhas características que axudarán a rebaixar o consumo un 40 % entre as doce da noite e a seis da madrugada, ademais das vantaxes de contido medio ambiental.

O investimento en materiais foi de 9.970 euros (IVE incluído), xa que a man de obra correu a cargo do persoal laboral do Concello, que realizou os traballos de colocación dos monolitos e as escavacións para os apoios.
“Desde o Concello seguimos a ter como prioridade incrementar a rede xeral de alumeado nos núcleos das parroquias substituíndo todos os puntos autónomos que quedan”, segundo o compromiso manifestado polo alcalde da localidade.

A asociación sobre rodas xa ten un novo transporte

A ASOCIACIÓN SOBRE RODAS XA TEN UN NOVO TRANSPORTE

A asociación sociocultural de discapacitados Sobre Rodas xa ten un novo transporte para ofrecer servizo aos 350 socios que a día de hoxe ten esta entidade na vila de Cedeira. Trátase dun vehículo de segunda man, adquirido por 12.000 euros, que aínda carece de plataforma para que poida ter a consideración de adaptado.

A asociación contou coa colaboración económica da entidade bancaria La Caixa e do gran apoio que para a causa representou tanto a actuación, o pasado 15 de setembro, da cantante local Irene Caruncho en el auditorio da vila como o festival de Pakolas. De feito, a cantante xa ten comprometida unha nova actuación en Cedeira co fin de seguir contribuíndo ás necesidades que poida ter a Asociación sobre Rodas. Neste caso, será o día 8 de decembro.

Pero antes disto, a entidade foi quen de organizar un festival solidario que terá lugar o día 10 de novembro no auditorio, a partir das oito da tarde. O prezo da entrada será a vontade e a finalidade da convocatoria é reunir cartos para a compra de material ortopédico e para poñer a plataforma ao novo vehículo. As actuacións estarán a cargo do coro infantil Sobre Rodas, o grupo Herbeira, o conxunto de acordeóns e as intérpretes Arancha Bouza e Lydia Orizales.