Skip to content Skip to left sidebar Skip to footer

Author: Ana

CAMPAÑA DE INVERNO 2023 DA DEPUTACIÓN DA CORUÑA

Do 13 de xañeiro ao 17 de febreiro.

As idades dos rapaces/zas participantes serán de 11 a 15 anos inclusive (cumpridos a 31 de decembro de 2022).

Cota de participación: 85 €.

Terán preferencia os/as rapaces/zas que non foran a ningunha campaña da neve da Deputación.

Prazo para as solicitudes de inscrición: ata o día 16 de decembro de 2022.

Para a formalización da inscrición, debes entregar no teu Concello:
1. Ficha de inscrición debidamente cuberta e asinada polo pai e a nai, ou de ser o caso, polo titor.
3. Fotocopia da tarxeta sanitaria.
4. Fotocopia do carné de identidade ou libro de familia.
5. Copia do aboamento da cota de inscrición (cando a Deputación e publicado na súa web).
6. No caso de que o/a neno/a tivese tratamento ou doenza que teñan que ser tidos en conta, axuntarase certificado médico asinado por facultativo/a. De igual xeito, no caso de medicación específica ou alerxia alimentaria ou doutro tipo.

Pódese descargar a solicitude na seguinte ligazón:

VER PDF SOLICITUDE

O CONCELLO ADXUDICA A SUBMINISTRACIÓN DOS NOVOS CONTEDORES MARRÓNS PARA A RECOLLIDA DE BIORRESIDUOS

O Concello de Cedeira adxudicou por 25.598,76€ o contrato de subministración do equipo e materiais para a implantación do novo sistema de recollida selectiva de biorresiduos. Así, o municipio vai dotarse de 25 colectores de cor marrón de 800 litros e doutros 100 de 360 litros, nos que a veciñanza poderá depositar os residuos da chamada “quinta fracción”, que corresponden á materia orgánica biodegradable.

Coa implantación do contedor marrón, o Concello de Cedeira vai poder acadar os obxectivos propostos pola UE en materia de recollida selectiva, reducindo a cantidade de biorresiduos que chegan a vertedoiro e facilitando o seu aproveitamento como fertilizantes ou para a xeración de enerxía.

Os novos colectores situaranse na vía pública e distribuiranse chaves entre a veciñanza para que poida facer uso deles. Neles poderán depositar restos de alimentos crus ou cociñados, pelicas de froitas, cascas de ovos e froitos secos, pousos de café e papel de cociña usado, entre outros. Xunto cos citados 125 contedores, a empresa adxudicataria subministrará tamén 93 caldeiros domésticos e 744 rollos de bolsas compostables –de 30 bolsas cada un-, que o Concello distribuirá entre a cidadanía para fomentar a participación activa na recollida selectiva dos biorresiduos.

O Concello de Cedeira realiza a compra de todo este material contando con fondos Next Generation, que solicitou a través dunha convocatoria da Consellería de Medio Ambiente e que van destinados tanto á subministración dos contedores como á realización de campañas de sensibilización e información á cidadanía e ás empresas.

O CONCELLO LANZA, CO ACENDIDO DAS LUCES DE NADAL, UNHA INVITACIÓN PARA GOZAR DESTAS FESTAS EN CEDEIRA

O acendido das iluminación navideña concidiu onte en Cedeira co inicio da campaña de promoción do comercio local, que ata o vindeiro día 5 de xaneiro repartirán entre a súa clientela rifas para o sorteo de 3.300€ en vales de compra. Co acendido das luces de Nadal do Concello e a iluminación branca que tamén os comercios van colocar nos seus escaparates, o goberno local chama á veciñanza da propia vila e tamén á dos municipios próximos a vir a desfrutar das compras e do tempo de lecer na vila. “Invitamos á cidadanía de toda a comarca a vir a Cedeira e gozar dela como dun centro comercial aberto no que van atopar gran variedade de tendas, unha hostalería de calidade e espazos públicos para a convivencia de maiores e pequenos”, destacou o alcalde, Pablo Diego Moreda Gil.

O Concello de Cedeira estende este ano a iluminación de Nadal a máis rúas e zonas da vila, reducindo o número de horas de acendido para moderar o consumo eléctrico. Ademais de arcos sobre as rúas, teitos de luces e adornos nas farolas, haberá diferentes elementos, como renos, un trineo ou unha árbore de 17 metros de altura que se repartirán por diferentes puntos da vila. O atractivo destes elementos únese ao esforzo que tamén fai o tecido empresarial da vila. Un total de 175 negocios iluminan os seus escaparates e colocan árbores e alfombras vermellas para contribuír a crear maior ambiente navideño.

Diferentes entidades da vila están a organizar festivais e outros eventos para celebrar o Nadal. O primeiro deles terá lugar xa este domingo, 4 de decembro, no Auditorio Municipal. A Asociación Cultural Virxe do Mar celebrará a partir das 19.30h un festival de música coral no que participarán, ademais da propia agrupación, a Coral Lembranzas de Santa Cruz, de Oleiros; a Coral Polifónica de Ortigueira e a Rondalla Club de Campo.