SERVIZOS

Cedeira e Valdoviño interésanse pola actuación de mellora da estrada AC-566, que está a redactar a Xunta

CEDEIRA E VALDOVIÑO INTERÉSANSE POLA ACTUACIÓN DE MELLORA DA ESTRADA AC-566

Os alcaldes reclaman a eliminación das curvas de Landeira e a creación dun carril de adiantamento.

Os alcaldes de Cedeira, Pablo Moreda, e Valdoviño, o tamén socialista Alberto González, solicitaron unha reunión cos técnicos da Consellería Infraestruturas para coñecer o contido do proxecto de mellora da estrada AC-566, o viario que comunica Cedeira con Ferrol, que se atopa en fase de redacción, segundo avanzou onte o rexedor valdoviñés. «O director xeral da Axencia Galega de Infraestruturas, Francisco Menéndez, confirmoume o venres que están redactando o proxecto e pedimos unha reunión co xefe de área», sinalou.

Na entrevista mantida en novembro co mandatario cedeirense, o presidente da Xunta de Galicia, Alberto Núñez Feijoo, comprometeuse a atopar unha solución que permita acurtar o tempo de viaxe entre Cedeira e Valdoviño. Naquel encontro, o mandatario autonómico expuxo dúas alternativas, unha intervención nas curvas de Landeira, nun traxecto de 2,5 quilómetros -esta actuación xa lla prometeu a conselleira Ethel Vázquez nunha reunión no mes de xuño-; ou a apertura dun terceiro carril en determinados tramos da vía para facilitar os adiantamentos.

Eliminar curvas ou un carril máis

O alcalde de Valdoviño espera que o proxecto da Xunta inclúe ambas as intervencións. «A eliminación das curvas é necesaria para mellorar a seguridade, pero non resolve a mobilidade, para iso hai que abrir un carril de adiantamento, ensanchando a calzada nalgúns puntos, para o que poderían usarse varios tramos da vella estrada, que agora están en desuso», indicou.

A mellora deste viario constitúe unha vella reivindicación por razóns de seguridade -as saídas de vía son frecuentes en varios tramos- e tamén por motivos económicos, para favorecer o desenvolvemento do polígono industrial da Trave, en Cedeira, e potenciar o sector turístico. Moreda alude ademais aos tempos e as condicións da vía para o traslado de enfermos.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Cedeira e Valdoviño interésanse pola actuación de mellora da estrada AC-566, que está a redactar a Xunta

Cedeira recupera ao fin a estación de buses, que será centro de lecer xuvenil

CEDEIRA RECUPERA AO FIN A ESTACIÓN DE BUSES, QUE SERÁ CENTRO DE LECER XUVENIL

O Concello dedicará máis de 25.000 euros a acondicionar e equipar este espazo.

O edificio da estación de autobuses de Cedeira, que leva anos abandonado, converterase en breve nun centro de lecer xuvenil. O Concello conseguiu ao fin a reversión do inmoble por parte da Dirección Xeral de Mobilidade, un proceso que era automático, ao non esgotarse o prazo de 30 anos desde que se formalizou a cesión, pero cuxa tramitación se demorou. «Non existe inconveniente en que o Concello utilice o ben para ese destino, sempre e cando quede garantido o mantemento do espazo do punto de parada de autobuses actual», segundo precisan desde Patrimonio.

«Estamos cos trámites para cederlles o aparcamento e contamos que o novo centro estea en funcionamento no verán», avanzou o alcalde, Pablo Moreda. O proxecto redactouse hai meses, cun custo de 25.000 euros, que agora podería incrementarse «porque hai que repoñer unha porta que rompeu», explica. O Concello acondicionará e equipará o local, que contará con sala de billar e futbolíns, pantallas de televisión «e distintas zonas de xogo, buscando un equilibrio entre distintas idades».

O centro está pensado para mozos de 12 a 18 anos e abrirá os fins de semana e os festivos, e as tardes dos días lectivos, aínda que o horario está por determinar. «A necesidade converteuse en demanda porque non hai oferta noutro lugar. Teremos que contratar unha persoa para que o xestione», abunda Moreda.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Cedeira recupera ao fin a estación de buses, que será centro de lecer xuvenil

Labores de xestión de biomasa nas liñas de Unión Fenosa Distribución S.A.

LABORES DE XESTIÓN DE BIOMASA NAS LIÑAS DE UNIÓN FENOSA DISTRIBUCIÓN S.A.

Unión Fenosa Distribución vén de comunicar ao Concello de Cedeira a próxima realización de operacións de xestión de biomasa nas súas liñas, en virtude do cumprimento da Lei 12/2012 de Montes de Galicia, e conforme ao indicado na súa disposición final primeira, pola que se modifica a Lei 3/2007 de prevención e defensa contra os incendios forestais de Galicia.

Por elo, achéganse os planos correspondentes ao trazado das liñas onde se van a realizar os labores de xestión de biomasa para que se publiquen a efectos de que os propietarios dos terreos, se é do seu interese, poidan executalas previamente. Se transcorridos 15 días desde esta publicación o propietario do terreo non efectuou os labores de xestión de biomasa indicadas, Unión Fenosa Distribución procederá á súa realización.

Nas seguintes ligazóns pode consultar o texto íntegro da comunicación e o plano correspondente ao trazado das liñas afetadas:

IR Á LIGAZÓN Comunicación Unión Fenosa Distribución S.A.

IR Á LIGAZÓN Plano liñas e terreos afectados