CONSELLOS BÁSICOS DE SEGURIDADE PARA A CABALGATA
A policía local de Cedeira lembra os consellos básicos de seguridade para a Cabalgata de Entroido 2018.
Atención aos cortes de tráfico a partir das 17:00 h na Avda. Castelao.
AVISO DE CORTE DE SUMINISTRO ELÉCTRICO O 9 DE FEBREIRO
A empresa Unión Fenosa vén de remitir unha nova comunicación ao Concello, informando do corte no suministro eléctrico o día 9 de febreiro de 2018, de 9:00 a 12:00 horas. A continuación, pode ver o texto da comunicación recibida:
“Co fin de efectuar os traballos de mantemento e desenvolvemento da rede eléctrica precisos para poder atender nas mellores condicións as necesidades de subministración da zona, informámoslles que o próximo día 9 de febreiro de 2018, de 9:00 a 12:00 horas, imos proceder a deixar fóra de servizo unha serie de instalacións, o cal pode provocar interrupcións na súa subministración de electricidade durante ese intervalo de tempo.
As instalacións eléctricas sometidas a descargo afectan ás seguintes rúas ou lugares:
ALDEA BEREIXO, PARDIÑEIRA, PONTIGAS, TOXO, AV. ZUMALACARREGUI, ALDEA VERIÑO DE ABAIXO, ATRIO, EIRAVEDRA, CANABAL, NOGUEIRA, BARRAL, REGO, RUA, BOUZA, TIDE, ERBELLAS, CASANOVA, PAINCEIRA, FORMIGUEIRO.
Rogamos disculpen as posibles molestias ocasionadas”.
ACABADO O PROCESO DE DERRUBA COMEZA A CONSTRUCIÓN DAS NOVAS
ESTRUTURAS NA BIBLIOTECA DE CEDEIRA
O goberno de Cedeira mantén o prazo do mes de maio para ver rematadas as obras de accesibilidade que se están a acometer na biblioteca municipal e que motivaron o traslado do servizo de lectura e consulta ao Palacete municipal.
A empresa contratada, Prace, Servicios y Obras SA, xa deu por finalizado o proceso de retirada de entullo, incluído o xerado pola demolición da casa lindeira á biblioteca, e agora está a traballar na construción da estrutura, espezando polo oco do ascensor, que pasará a ocupar o espazo que deixou baleiro a vivenda. A fonte da Pixana tamén foi tapiada que garantir a súa conservación.
O proxecto, adxudicado por 207.696,26 euros, consistirá na instalación e posta en funcionamento dun novo ascensor, na reforma da planta baixa -antes ocupada polo Xulgado de Paz-, na apertura dun novo acceso peonil desde a rúa Consistorio e na habilitación dunha sala máis de estudo. A actuación tamén inclúe a mellora da iluminación existente coa colocación de lámpadas tipo led, así como na colocación de novas estanterías, a reparación das actuais, a instalación dun sistema contra incendios e a construción dun aseo para persoas con discapacidade na primeira planta.
O goberno municipal recoñece que a realización das obras agora en proceso de execución está entre as prioridades fixadas para o presente mandato por tratarse dun servizo moi demandado pero que tamén estaba a necesitar un gran cambio, sobre todo no relativo á accesibilidade.