Skip to content Skip to left sidebar Skip to footer

SERVICIOS SOCIAIS

Cedeira apoia as medidas adoptadas pola Mancomunidade para protexer ás personas e actividades económicas máis prexudicadas pola crise

O alcalde de Cedeira, Pablo Diego Moreda Gil, participou onte na reunión da Mancomunidade de Concellos da Comarca de Ferrol na que foi adoptada a decisión de protexer ás persoas e actividades económicas máis prexudicadas pola declaración do Estado de Alarma.

Este compromiso levará aos nove concellos da Mancomunidade a coordinar a adopción de medidas fiscais en relación co cobro de taxas e impostos municipais para que non existan disparidades entre os municipios e para que os seus beneficiarios sintan o apoio da Administración.

A xuntanza, que estivo presidida polo alcalde de Ferrol, Ángel Mato, e na que estiveron presentes a través de videoconferencia a totalidade dos rexedores municipais, serviu así mesmo para compartir información sobre a loxística despregada en cada concello en relación co acceso e distribución de material de protección fronte ao coronavirus e atención sociosanitaria, entre outros.

Os responsables municipais destacaron o importante labor que están a levar a cabo as persoas implicadas nestas tarefas e acordaron brindarse colaboración mutua, a través dos seus respectivos servizos de Protección Civil, para actuar de maneira conxunta no caso de que sexa detectada algunha necesidade.

Alén de dificultades técnicas iniciais, o encontro desenvolveuse correctamente a través de videoconferencia, polo que os asistentes acordaron fixar unha nova reunión por este mesmo sistema para o vindeiro mércores, día 8 de abril, ás 12.00 horas, e manter a coordinación por outras vías ata esa data.

O Real Decreto-lei 12/2020, do 31 de marzo, reforza as medidas de protección e asistencia ás vítimas de violencia de xénero

O BOE de hoxe 1 de abril publicou o Real Decreto-lei 12/2020, do 31 de marzo, de medidas urxentes en materia de protección e asistencia ás vítimas de violencia de xénero. A norma, que entrarán vigor mañá, foi aprobada polo Consello de Ministros de onte no marco das novas medidas implementadas para facer fronte á crise sanitaria.

DESCARGA PDF Real Decreto-lei 12/2020, do 31 de marzo, de medidas urxentes en materia de protección e asistencia ás vítimas de violencia de xénero.

Información para garantir a alimentación de colonias felinas

Desde a Dirección Xeral de Dereito dos Animais, alértase sobre o desprazamento de persoas para a alimentación de colonias felinas, rescate e coidado veterinario, durante o estado de alarma.

É unha cuestión de saúde pública garantir a alimentación dos animais domésticos que viven nas contornas urbanas; e esa alimentación ha de realizarse por persoas debidamente acreditadas polas entidades que teñan acordos cos Concellos para este fin.

No Concello de Cedeira xa foron emitidos ditos certificados a membros da Asociación polo Benestar Animal de Cedeira (ABAC).