O AUDITORIO MUNICIPAL ACOLLE O CONCERTO DE SANTA ICÍA DA BANDA DE MÚSICA VILA DE CEDEIRA

A Banda Municipal Vila de Cedeira ofrecerá mañá no Auditorio da localidades o seu clásico concerto de Santa Icía. Segundo informa o Concello, a actuación comezará ás 19.30 horas e a entrada será gratuíta, ata completar aforo.

A formación, que vai estar dirixida polo seu novo director, Eduardo Mallén Candel, ten unha traxectoria de 40 anos na que foi consolidando un carácter bulideiro e innovador, como amosa o feito de que no seu repertorio caiban non so temas tradicionais senón temas de bandas sonoras cinematográficas ou grandes éxitos do rock e o pop internacional.

Así, a Banda de Música de Cedeira, premiada en diferentes certames, adoita sorprender ao seu público con pezas inesperadas, como cando o pasado ano, no último concerto de Santa Icía, interpretou Another brick in the wall de Pink Floyd acompañado polo Coro Vila de Cedeira.