SERVIZOS

FINALIZACIÓN DO EPISODIO DE CONTAMINACIÓN MICROBIOLÓXICA NA PRAIA DA MADALENA

O Concello informa de que vén de recibir a comunicación do servizo de control de riscos ambientáis/sanidade ambiental da Xunta de Galicia, informando da finalización do episodio de contaminación microbiolóxica na praia da Madalena.

A continuación reproducimos o texto íntegro da comunicación:

“Asunto: finalización do episodio de contaminación microbiolóxica na auga de baño

Comunícolle que, na análise microbiolóxica realizada na auga de baño de A Magdalena, que se recolleu o día 19/09/2018 atopáronse menos de 1000 NMP /100 mL de entreococos intestinais e menos de 1000 NPM/100 mL de Escherichia coli. Estes niveis son aceptables polo que non supoñen un risco para a saúde dos bañistas.
Debe manterse as condicións adecuadas das áreas peripraieiras e se expoñerá aos usuarios calquera outra información relevante establecida regulamentariamente.

Fdo: A Xefa Territorial de Sanidade na Coruña”.

En resumo, desde o Concello infórmase de que trala análise realizada, é seguro bañarse na praia da Madalena.

DETECCIÓN DE CONTAMINACIÓN MICROBIOLÓXICA NAS AUGAS DA PRAIA DA MADALENA

Na análise microbiolóxica realizada por Augas de Galicia o día 16/09/2018 na praia da Madalena atopáronse máis de 1000 NMP en 100 ml de Escherichia coli. Trátase dunha cantidade cen veces maior á que se viña constatando en todas a medicións quincenais durante a campaña estival e supón un risco para a saúde dos bañistas.

Desde o Concello de Cedeira estase a investigar a causa desta contaminación. Debido á súa alta concentración e á tipoloxía dos microorganismos detectados, todas as probas apuntan nunha determinada dirección. Aínda que estas sospeitas son compartidas por boa parte da poboación, a Concellería de Medio Ambiente pide prudencia antes de identificar inequivocamente aos responsables.

Mesmo sabendo que se trata dun episodio puntual, o Concello recomenda absterse do baño temporalmente, á espera dos resultados dunha nova medición. Para facer chegar esta mensaxe á cidadanía colocaranse carteis en puntos especialmente visibles ao longo da praia.

CONVENIO DE RECOLLIDA SELECTIVA DE ENVASES NA HOSTELARÍA

O concello de Cedeira vén de asinar con Ecoembes un convenio de recollida selectiva de envases lixeiros (plásticos, briks e latas de aluminio e aceiro) no sector dos hoteis, restaurantes e cafeterías (HORECA) que contribuirá , sen dúbida, á mellora e conservación do medioambiente.

Como non podía ser doutra maneira, o acordo cos empresarios é voluntario e, previa información por parte da empresa, reciben uns cubos que posteriormente baleirarán nos contedores repartidos polas rúas.

Os establecementos locais que aceptaron sumarse a este proxecto son :

A Marieta, Vilavella, Lanús, El Marino (O Ramón), O Litoral, Pulpería A Ría, La Pasión Turca, O Areal, A Revolta, Stop, O Lar, A Casa do Bacalao, O Amanexo, A Balandra, Alex, O Galo, La Bocatería, O Sheriff, La Parra, O Hórreo, Café Plaza. O Marisco, Galifornia, Dakar, Playa Mar, A Bodega( Alitas), A Ponte, O Pinzón, A Marina, Uruguay, Ipanema, Areal 2.

Entre tod@s, aportando cada un de nós o que parece unha gota de auga na inmensidade do océano, conseguiremos mellorar paulatinamente a saúde do Planeta.