NOVAS

A Policía Local de Cedeira realiza unha serie de recomendacións de seguridade para a Cabalgata de Reis

A POLICÍA LOCAL DE CEDEIRA REALIZA UNHA SERIE DE RECOMENDACIÓNS DE SEGURIDADE PARA A CABALGATA DE REIS

Desde a área de seguridade do Concello de Cedeira, e de cara á cabalgata de Reis desta tarde, emítense unha serie de recomendacións para nenos, nenas e maiores co obxectivo de mellorar a seguridade e o desfrute de todos os asistentes:

1.- Seguir as indicacións da Policía Local e a AV Protección Civil.

2.- Antes de saír de casa escriba o seu teléfono de contacto na man ou brazo do menor.

3.- Ensinar aos máis pequenos que facer no caso de que se perdan: buscar a un axente de Policía Local ou voluntario/a de Protección Civil e pedir axuda.

4.- Escoller un lugar seguro onde esperar o paso da cabalgata e non invadir a calzada ao paso da mesma.

5.- Manter aos menores baixo vixilancia intensiva, non permitir que se afasten do seu lado, e manter unha distancia prudente das carrozas.

6.- Non cruce entre carrozas nin permita que o seu fillo/a o faga. Non permita que os/as nenos/ás se introduzan debaixo das carrozas aínda que estean paradas.

7.- Non se suba nin suba aos/ás nenos/as a sitios elevados para ver mellor as carrozas. É un risco innecesario.

8.- Non use paraugas do revés para recoller caramelos. O seu mal uso é perigoso. Non sexa acaparador nin ensine aos/ás nenos/as a selo.

9.- Manteña unha especial atención ás persoas que acudan ás cabalgatas con carros de bebé e con aqueles que teñan mobilidade reducida, persoas maiores ou enfermos para facilitar o seu tránsito e evitar incidencias no paso.

10.- Na recepción real posterior ao desfile, garde a cola pacientemente e ensine aos/ás nenos/as para selo. A ansiedade non lles beneficia.

11.- Unha vez finalizado o acto ou en caso de ordenarse unha evacuación, o máis recomendable para evitar situacións de emerxencia é abandonar o lugar de forma tranquila, rápido pero sen carreiras, e elixindo zonas pouco concorridas.

12.- Se se perde un menor ou observa calquera incidencia, comuníqueo á Policía Local 092 ou aos/ás voluntarios/as de Protección Civil 112.

Fonte: Policía Local de Cedeira

Pode ver o artigo completo na seguinte ligazón:

IR Á LIGAZÓN Recomendacións de seguridade da Policía Local de Cedeira

Campaña de inverno 2019 da Deputación da Coruña

CAMPAÑA DE INVERNO 2019 DA DEPUTACIÓN DA CORUÑA

O concello de Cedeira conta con catro prazas para a campaña de inverno 2019 da Deputación da Coruña, con aloxamentos ubicados na estación invernal de Cabeza de Manzaneda na 3ª quenda do 08/02/2019 ó 11/02/2019.

As idades dos rapaces/zas participantes serán de 11 a 15 anos inclusive (cumpridos a 31 de decembro de 2019).

Cota de participación: 85 €.

O transporte desde a comarca, tanto de ida como de volta está incluído na oferta. Os puntos da comarca onde terá lugar a recollida notificarase con abonda anticipación.

Terán preferencia os/as rapaces/zas que non foran a ningunha campaña da neve da deputación. No suposto de ter máis solicitudes que número de prazas concedidas pola Deputación, realizarase un sorteo público ante a Secretaria do concello para adxudicar as mesmas o día 11 de xaneiro ás 11:00 h. no salón de plenos do concello.

A preinscrición pode facerse de maneira presencial no rexistro (oficinas xerais), a través da sede electrónica do concello cubrindo unha instancia xeral e indicando os seguintes datos:

– Nome da persoa responsable do/a menor (nai, pai, titor/a)

– Enderezo

– DNI

– Teléfono

– Enderezo para efectos de notificación

– Correo electrónico (non imprescindible)

– Nome do/a menor representado/a

A cabalgata de Cedeira comezará ás 18.00 horas no colexio e rematará con inchables e chocolate quente

A CABALGATA DE CEDEIRA COMEZARÁ ÁS 18.00 HORAS NO COLEXIO E REMATARÁ CON INCHABLES E CHOCOLATE QUENTE

O Concello de Cedeira conta coa colaboración das asociacións Amas de Casa, Aturuxeiras, Asociación Cultural Buxainas, ANPA Picapeixe e da agrupación de voluntarios de Protección Civil para a celebración da Cabalgata de Reis que terá lugar na tarde-noite do próximo sábado, día 5 de xaneiro.

Tres son os escenarios nos que os nenos e nenas da vila terán a posibilidade de ver de cerca ás Maxestades de Oriente, que chegarán á localidade ás 18.00 horas. Durante a súa estancia en Cedeira os Reis pasarán polo camiño real da Madalena, pola rúa San Sadurniño e pola avenida Castelao. O percorrido rexio rematará no Palacete municipal, coa tradicional recepción dos Reis aos menores.

A partir das 19.30 horas, a festa trasladarase ao pavillón do CEIP Nicolás do Río, no que haberá desde inchables para xogar os pequenos ata unha merenda a base de chocolate quente e roscón para entreter a doce espera.