Premio muller da Vila 2024
O sábado 9 de marzo ás 19.00h no Auditorio Municipal de Cedeira.
Premiada: Mari Luz Lorenzo.
Actuación da banda de música Vila de Cedeira.
NOVAS
O CONCELLO DE CEDEIRA ADXUDICA AS OBRAS DE MELLORA DO SANEAMENTO DA RÚA MARÍA MEDIADORA
A Xunta de Goberno do Concello de Cedeira acaba de aprobar a adxudicación das obras de mellora do sistema de saneamento na rúa María Mediadora por un presuposto de 67.422,19€ (IVE incluído). A empresa encargada terá un prazo de tres meses para a realización destes traballos, cos que esta rúa do casco urbano pasará a contar tamén con rede separativa para a recollida das augas pluviais e as residuais. Coa actualización do sistema de saneamento realizarase tamén a reposición de todo o firme da calzada.
A actuación conta con financiación do Plan Complementario da Deputación da Coruña. Actualmente a rúa María Mediadora ten rede unitaria de saneamento, de maneira que se recollen as augas residuais das casas e os pluviais a través de sumidoiros que non están conectados aos caleiros dos edificios. As obras abranguerán a instalación dunha nova rede de recollida da auga da choiva, conectando as baixantes. Demolerase o colector unitario existente e sustituirase por unha nova rede de recollida de augas residuais, e finalmente reporase todo o firme da calzada.
Estas obras forman parte do programa de mellora de saneamento que o Concello de Cedeira está a impulsar e que, entre outros beneficios, suporá levar ás depuradoras un volumen moito menor de augas e abaratar o seu custo do tratamento. Co sistema separado de recollida chegan ás depuradoras únicamente as residuais, mentres que as da choiva van por outro lado.
PARABÉNS AO CLUB DE REMO CEDEIRA POLO OURO NO CAMPIONATO MUNDIAL DE REMO INDOOR DE VETERÁNS
O goberno local de Cedeira quere expresar o seu recoñecemento ao Club de Remo Cedeira e ao seu deportista Justo Pérez Cean, que vén de proclamarse campión mundial de remoergómetro na categoría de veteráns (de 65 a 69 anos) e na distancia de 2.000 metros. Pérez Cean fixo un tempo de 6.52.2 na proba, que disputou online desde o pavillón municipal e co seu adestrador Chema Hermida ao lado.
É un éxito máis que enche de orgullo ao deporte local e en particular ao Club de Remo. Cómpre destacar que Pérez Cean chegou á disciplina hai pouco tempo, despois da súa xubilación. Desde o Concello felicitan tamén aos deportistas Marcos Peña e Luis Miguel Escourido pola súa participación no campionato mundial que disputaron, eles si de maneira presencial, en Praga.
Tamén expresan desde o Concello o seu recoñecemento aos logros do resto dos clubes locais. En particular, nos últimos meses, deportistas do Karate Cedeira levaron para casa varias medallas. É o caso de Sara García Yáñez, que gañou o bronce de Kumite no Galego Cadete; así como das boas clasificacións acadadas na primeira xornada da Liga galega de Karate Kumite, na que Mariana Simión López gañou o ouro e Pablo García Yáñez o bronce; e na segunda xornada, co ouro en kata para Mariana Simión López os bronces en kumite para Mariana Simión e Pablo García Yáñez, así como no campeonato galego absoluto e de clubes, no que o equipo de Jaime Roldós, Elisa González e Xabier Pérez levaron o bronce.
Igualmente felicita o Concello ao Natación Cedeira. O seu nadador Teo Sanesteban vén de recoller catro ouros no Campionato Galego, e Roque Caneiro gañou a plata, mentres que Damián Suárez quedou subcampeón coa selección galega de cross no campionato de España. Xunto con iso, Irene García Nebril foi Su Campioa Galega sub12 e Damián Suárez Couto, sub campión galego Sub18, en campo a través. Lucas Riola Delgado, Lara Solsona Santás e Damián Suárez Couto foron convocados pola Federación Galega de Triatlón a unha concentración no Centro de Tecnificación de Cáceres e Damián Suárez Couto, recibiu a chamada da Federación Española de Triaflón para participar nuns adestramentos e test no Centro de Alto Rendemento Joaquín Blume de Madrid, así como pola Federación Galega de Triatlón para participar na Copa de Europa de Triatlón de Quarteira. También Roque Caneiro consiguió 3 oros y 1 plata en el campeonato gallego.
En Cedeira existe unha intensa vida deportiva e son moitos os clubes que traballan día a día por chegar a metas máis ambiciosas. Vai para todos eles a felicitación do Concello.