Skip to content Skip to left sidebar Skip to footer

NOVAS

PROCESO DE SELECCIÓN E CONTRATACIÓN DE PERSOAL ADMINISTRATIVO GALP A MARIÑA-ORTEGAL

O Grupo de Acción Local do Sector Pesqueiro (GALP) A Mariña-Ortegal, convoca o proceso de selección de persoal para a cobertura dun posto de Administrativo para a aplicación da Estratexia de Desenvolvemento Local Participativo (EDLP), no marco do Fondo Europeo Marítimo e de Pesca (FEMP 2014-2020).

As condicións e requisitos pódense consultar nas bases que regularán este proceso de selección, que estarán dispostas na páxina web https://galp.xunta.gal/, ou chamando ao teléfono: 986 50 71 22 en horario de 08:00 a 15:00 horas de luns a venres.

As solicitudes serán presentadas no prazo máximo de 15 días hábiles contados dende a última publicación nos medios indicados na Base 4.1, debendo realizarse segundo o modelo que se xunta como Anexo I ás Bases, nas oficinas de ADM ASESORES, sito en Avda Agustín Romero, 1-1º de Vilagarcía de Arousa, en horario de luns a venres, de 08:00 a 15:00 horas; ou ben, por correo electrónico dirixido á dirección: egg@admasesores.com

O CONCELLO DE CEDEIRA SUMARASE O LUNS Á ACCIÓN DE SENSIBILIZACIÓN NO DÍA DA ELA

O Concello de Cedeira adhírese este ano á proposta da Asociación Galega de Afectados de Esclerose Lateral Amiotrófica (Agaela) e a Fundación Luzón para sensibilizar á sociedade sobre a ELA e as devastadoras consecuencias o que o seu diagnóstico significa para quen a sofre e para as súas familias. Así, o vindeiro luns, 21 de xuño, Día Mundial da ELA, o consistorio cedeirés vaise iluminar cunha luz verde en apoio e solidariedade coas persoas afectadas.

O Concello de Cedeira quere, ao secundar a iniciativa, poñer de manifesto a necesidade de impulsar a investigación sobre a Esclerosis Lateral Amiotrófica, unha enfermidade que actualmente non ten cura, ao tempo que contribúe a facer visible perante á sociedade a enfermidade.

  • 19 Xuño, 2021 en NOVAS

O CONCELLO ADXUDICA 36.000€ DE AXUDAS ENTRE OS CLUBS E ENTIDADES DEPORTIVAS DA VILA

A Xunta de Goberno do Concello de Cedeira aprobou a concesión de subvencións por valor de 36.000€ para clubs e entidades deportivas do municipio neste ano 2021. O alcalde, Pablo Diego Moreda Gil, celebrou a “volta a normalidade” no que atinxe a esta convocatoria, porque de novo este ano “esgotáronse os fondos, como era habitual antes da pandemia, e este é un sinal máis de que estamos a superar as dificultades”.

O alcalde destacou que o deporte “ten moita vida e moita riqueza en Cedeira”, non so pola variedade de disciplinas e intensidade das actividades, senón tamén “polos grandes resultados dos nosos deportistas”. Moreda quixo poñer de relevo o traballo que se está a facer desde as entidades deportivas e agradeceu a directivos, adestradores, patrocinadores e mesmo aos pais e nais que levaron aos seus fillos ás actividades, o grande esforzo que realizaron no cumprimento das medidas anticovid. Tanto a actividade dos clubs como das escolas deportivas, que funcionaron este curso na súa totalidade, foi “importantísima para manter activos aos nenos e nenas, e á mocidade”. O alcalde reiterou, por último, a decidida “aposta polo deporte” do seu goberno.

O reparto de fondos faise a través do sistema de concorrencia competitiva, segundo criterios obxectivos, tanto no capítulo de actividades –ao que o programa reserva 30.000€- como de investimentos –dotado con 6.000€-.

No primeiro caso, as subvencións para a realización de actividades concedéronse ás seguintes entidades:

  • Escudería JSM Competición: 2.571,23€
  • Cedeira SD: 7.000€ -Club Natación Cedeira: 7.000€
  • Cedeira Tenis Club: 4.640,77€
  • Club de Buceo Cedeira: 1.788€
  • Club de Remo Cedeira: 7.000€

En canto ás axudas para investimentos, dotadas cun total de 6.000€, foron para:

  • Escudería JSM Competición: 1.071,90€
  • Club Natación Cedeira: 2.000€
  • Club de Remo Cedeira: 2.928,10€