Skip to content Skip to left sidebar Skip to footer

MEDIO AMBIENTE

Proxecto subvencionado de equipamento térmico de biomasa: Estufa de biomasa no polideportivo municipal

PROXECTO SUBVENCIONADO DE EQUIPAMENTO TÉRMICO DE BIOMASA: ESTUFA DE BIOMASA NO POLIDEPORTIVO MUNICIPAL

O Concello de Cedeira ten previsto instalar unha estufa de biomasa no polideportivo municipal. O proxecto está subvencionado no marco das axudas do INEGA (Instituto Enerxético de Galicia) para Proxectos de Equipamentos térmicos de biomasa para o ano 2017, cofinanciado polo Fondo Europeo de Desenvolvemento Rexional, no marco do Programa Operativo Feder-Galicia 2014-2020, financiado, xunto ao Concello de Cedeira, pola Xunta de Galicia e o Fondo Europeo de Desenvolvemento Rexional – FEDER.

O proxecto subvencionado é “INSTALACIÓN DE ESTUFA DE BIOMASA NO POLIDEPORTIVO MUNICIPAL” (IN421IG-17R179).

A estufa de biomasa, da tipoloxía de aire, terá unha potencia instalada de 9,05 kw e cun rendemento do 92,70%. O obxectivo final da súa instalación é acadar unha axeitada climatización para o uso do espazo e un tipo enerxía económico e medioambientalmente máis sustentable.

Organizan unha xornada dedicada á elaboración de xabón a partir de aceites usados

ORGANIZAN UNHA XORNADA DEDICADA Á ELABORACIÓN DE XABÓN A PARTIR DE ACEITES USADOS

O Concello de Cedeira convoca para mañá martes a celebración dunha xornada dedicada á elaboración de xabón a partir de aceites de fritura usados. A actividade dará comezo ás sete da tarde e terá lugar na sala de usos múltiples no pavillón polideportivo.

A participación é libre e gratuíta e a materia será impartida pola bióloga María José Leira. Desde a Concellería de Medio Ambiente invítase á veciñanza a tomar parte dunha iniciativa de contido ecolóxico pero tamén económico xa que axudará a aforrar cartos.

A Asociación de Amigos dos Ríos de Cedeira reunirase este mércores na sala multiusos do pavillón

A ASOCIACIÓN DE AMIGOS DOS RÍOS DE CEDEIRA REUNIRASE ESTE MÉRCORES NA SALA MULTIUSOS DO PAVILLÓN

Analizar as accións executadas e planificar as que están por vir é un dos obxectivos da reunión convocada pola Asociación de Amigos dos Ríos de Cedeira (ARCE) para o próximo mércores, día 18 de outubro. A nova sala de usos múltiples do pavillón polideportivo acollerá unha cita que dará comezo ás oito da tarde.

Entre as iniciativas pensadas cara ao futuro está a celebración de charlas, a organización de andainas a caron do río Condomiñas e a toma de contactos con outras entidades coas mesmas inquedanzas, co fin de levar a cabo iniciativas conxuntas, son algunhas ideas que se están a barallar, xunto á necesidade de promover unha campaña de captación de socios.

A reunión tamén dará lugar á renovación de cargos directivos e ao preceptivo turno de preguntas