Skip to content Skip to left sidebar Skip to footer

Organizan unha xornada dedicada á elaboración de xabón a partir de aceites usados

ORGANIZAN UNHA XORNADA DEDICADA Á ELABORACIÓN DE XABÓN A PARTIR DE ACEITES USADOS

O Concello de Cedeira convoca para mañá martes a celebración dunha xornada dedicada á elaboración de xabón a partir de aceites de fritura usados. A actividade dará comezo ás sete da tarde e terá lugar na sala de usos múltiples no pavillón polideportivo.

A participación é libre e gratuíta e a materia será impartida pola bióloga María José Leira. Desde a Concellería de Medio Ambiente invítase á veciñanza a tomar parte dunha iniciativa de contido ecolóxico pero tamén económico xa que axudará a aforrar cartos.