DEPORTES

ALREDEDOR DE 200 PERSONAS PARTICIPAN ESTE SÁBADO EN EL II TROFEO XEOPARQUE CABO ORTEGAL DE ORIENTACIÓN EN BICICLETA

Cerca de 200 personas se darán cita este sábado, 24 de septiembre, en Cariño y en Cedeira para disputar el II Trofeo Xeoparque Cabo Ortegal de MTBO (orientación en bicicleta de montaña), una prueba organizada por el club Gallaecia Raid y la Federación Galega de Orientación que cuenta con la colaboración de los Concellos de Cariño y Cedeira y de la Deputación da Coruña.

Hoy, martes 20 de septiembre, tuvo lugar la presentación oficial de la competición, a la que asistió el alcalde de Cariño, José Miguel Alonso Pumar; el alcalde de Cedeira, Pablo Moreda; los concejales de Deportes de ambos municipios, Jonathan Miranda y Jesús Romero; la vicepresidenta de Gallaecia Raid, Claudia Oreiro; y otros miembros del club.

José Miguel Alonso Pumar explicó que “a través desta proba, que é unha das máis interesantes de todo o circuíto galego de orientación, aproveitamos para poñer en valor o noso territorio natural, combinándoo co deporte ao aire libre” y destacó que “vai combinar espazos naturais con algún trazado urbano”.

Por su parte, Pablo Moreda coincidió con su homólogo y subrayó que este trofeo “permítenos ser capaces de dinamizar, a través do deporte, o noso territorio” por lo que invitó “a todos os veciños e veciñas de Cedeira, Cariño e de toda a comarca a que veñan ver esta fermosa proba”.

“Estamos muy contentos con el número de inscritos en las dos pruebas”, expresó Claudia Oreiro, que declaró que “nos hace especial ilusión porque es la segunda prueba que hacemos en esta zona y porque intentamos contribuir a que, tanto los ayuntamientos de Cedeira y Cariño como el proyecto de Xeoparque puedan conseguir más visibilidad”.

Dos pruebas de Liga Gallega y un Campeonato Gallego de Sprint

El II Trofeo Xeoparque Cabo Ortegal de MTBO se iniciará el sábado por la mañana en Cedeira, con una prueba de distancia larga puntuable para la Liga Gallega, que tendrá un horario comprendido entre las 10 y las 14 horas. Por la tarde, de 16 a 19 horas, se celebrará la prueba de Cariño, también puntuable para la Liga Gallega y que además incluye un Campeonato Gallego de Sprint. Es posible participar en solo una de las dos pruebas pero para optar al Trofeo Xeoparque Cabo Ortegal es necesario hacerlo en las dos.

Los participantes deberán completar un extenso recorrido de orientación en el menor tiempo posible, superando las dificultades naturales que se encuentren a su paso, utilizando exclusivamente sus propias fuerzas, sin recibir ayuda externa ni valerse de medios motorizados.

Este recorrido tiene que ser desconocido de antemano, siendo el itinerario entre controles libre, por lo que no estará señalizado el terreno, lo que supone la necesidad de obtener la información por fuentes no habituales como el mapa, que será la principal fuente, por lo que se necesitarán grandes habilitades de orientación para realizar un aprovechamiento máximo.

La entrega de trofeos se realizará tras finalizar la prueba de Cariño, en la meta situada en la Avenida de la Paz, al lado de la casa consistorial.

O CONCELLO DE CEDEIRA ADXUDICA 36.000€ EN AXUDAS A SEIS ENTIDADES DEPORTIVAS DA VILA

A Xunta de Goberno de Cedeira acaba de aprobar a concesión das subvencións para clubes e entidades deportivas da vila, ás que o o Concello reservou de novo este ano 36.000€ dos orzamentos municipais. O alcalde, Pablo Diego Moreda Gil, informou de que seis sociedades van beneficiarse da convocatoria e adiantou que partida destinada a estas axudas se incrementará o vindeiro ano. Porén, o responsable puxo en valor a atención permanente e a colaboración que o goberno local mantén cos clubs e asociacións deportivas, sinalando que no presente exercicio xa se destinaron preto de 94.063,31€ a diferentes obras menores de mellora das instalacións deportivas.

A convocatoria de axudas para clubes deportivos repartiu 30.000€ no apartado de actividades -para sufragar todo tipo de gastos de funcionamento das entidades, desde desprazamentos, trofeos ou arbitraxes ata seguros ou as facturas da luz e a auga- entre os seguintes clubs: Discalzas SD (obtén 4.584,71€), o Cedeira SD (5.801,06€), o Natación Cedeira (6.689,93€), o Cedeira Tenis Club (5.613,93€), o Club de Buceo Cedeira (1.790€) e o Club de Remo (5.520,36€).

No outro apartado, que está destinado ao investimento en materiais inventariables e dotado con 6.000€, reciben axudas o Natación Cedeira (1.400€), o Club de Remo (2.169,83€), o Cedeira SD (2.280,17€) e o Buceo Cedeira (150€). Tamén neste caso, o reparto esgotou os fondos.

A convocatoria resolveuse polo procedemento de concorrencia competitiva, tendo en conta un baremo que avalía, entre outras cuestións, a particicipación feminina, a organización de competicións, a antigüidade do club, o número de deportistas federados, o número de técnicos, o menor importe da cuota mensual e o uso da lingua galega, entre outras cousas. Este ano, por primeira vez, tamén puntuou o emprego da imaxe do Concello e do proxecto do Xeoparque Cabo Ortegal na vestimenta, indicando as bases que para o ano que vén será obrigatoria esta condición para aquelas entidades que renoven este equipamento.

Investimentos

Ao fío da resolución destas axudas, o alcalde informou tamén de diferentes obras menores que o Concello de Cedeira ten acometido no que vai deste ano para mellorar e ampliar as instalacións e equipamentos deportivos municipais. Así, o Concello instalou no campo de fúltbol do Beco 150 novos asentos con respaldo, por valor de 4.218,91€, e un novo marcador dixital, por 4.139,71€. Tamén se dotou ao mesmo campo dunha rede parabalóns, cun investimento de 14.962,26€, e se habilitou unha parcela municipal nas súas inmediacións para seren empregada como pista deportiva, invertindo 22.403,15€ na cimentación, 13.965€ na estructura metálida e con lonas e vidros e 5.455€ no céspede. Executouse tamén unha cuberta para a entrada ás pistas de pádel, por 11.659,58.

Este verán, o Concello gastou outros 2.100€ a diferentes dotacións para a práctica deportiva na praia, concretamente unhas porterías para fútbol praia, un xogo de redes de voley e un xogo de petanca. Xunto con estas actuacións, o Concello colabora ao longo do ano con moitos eventos deportivos, como foi o caso do Duatlon Menores Concello de Cedeira, no que a institución local custeou a ambulancia, o avituallamento e a cronometraxe da proba con uns 2.000€, además de achegar o apoio do persoal municipal.

A todas estas actuacións vai sumarse en breve un investimento de máis de 187.000€ para cambiar todo o chan de madeira do Polideportivo Municipal, na pista de xogo e zonas adxacentes, e para instalar un novo marcador dixital. Esta ambiciosa actuación acometerase a través dun convenio de colaboración establecido polo Concello de Cedeira e a Deputación da Coruña, segundo o cal a administración local asumirá o 20% e a provincial o 80% da mesma. Segundo informou o alcalde, a execución deste proxecto vai saír a licitación en breve.

OS CONCELLOS DO PROXECTO DO XEOPARQUE PROGRAMAN AS ÚLTIMAS RUTAS XEOLÓXICAS DO VERÁN

Estamos xa na recta final do verán. Aos días xa se lles nota, semella que o tempo vai collendo maneiras de outono e, como se adoita dicir, todas e todos, rapazada e xente adulta, temos que volver á rutina despois das vacacións. Tamén chegamos ao momento de rematar o programa de rutas xeolóxicas estivais, ao que se lle porá o ramo o próximo mércores 14 coa Xeorruta do Granate. Antes daquela teremos oportunidade de facer o percorrido dos Cantís, o das Praias das areas negras, a Xeorruta Marítima ofrecida por Rutas Cedeira e tamén os itinerarios do Cromo e do Limo, que discorren pola marxe costeira da Capelada. Parte deles están xa completos, pero noutros aínda quedan prazas dispoñibles. As reservas -agás para a ruta marítima- deben facerse a través da nosa central en liña. Cómpre ter en conta que as saídas poden sufrir variacións ou cancelarse dependendo dos avances meteorolóxicos.

Venres 9 de setembro, 16:30 a 19:30h: Xeorruta dos Cantís (Concello de Cedeira). Máximo 20 prazas. Para a tarde deste venres resérvase un percorrido doado desde o miradoiro do Chao do Monte -preto de Santo André- para descubrirmos a Serra da Capelada, unha salientable estrutura xeolóxica de máis de 400 m de altitude.

Observaranse distintos tipos de rochas que hai millóns de anos se atopaban a 70 km de profundidade, algo que podemos ver en varios lugares do Complexo Xeolóxico do Cabo Ortegal, exemplo único do denominado contexto xeolóxico do Oróxeno Varisco Ibérico. Máis info e reservas aquí.

Sábado 10 de setembro, 10:00h a 14:00h: Xeorruta da Praia das Areas Negras (Concello de Cedeira). PRAZAS COMPLETAS. Esta ruta xeolóxica é unha das estrelas do proxecto pola súa exclusividade -os areais de Teixidelo están considerados os únicos de area negra non volcánica do mundo- e pola posibilidade de admirar os cantís máis elevados da Europa continental desde a súa parte máis baixa, o que nos ofrece unha perspectiva espectacular da paisaxe.

Recomendamos visitar a central de reservas por se quedasen prazas por mor de cancelacións de última hora. Insistimos en que tanto esta xeorruta como a do Granate son itinerarios de certa dificultade e con tramos perigosos que cómpre facer na compaña de persoas que coñezan ben o terreo e sempre con boas condicións atmosféricas.

Sábado 10 de setembro, 17:00h: Xeorruta marítima con Rutas Cedeira. Mínimo 8 e máximo 12 prazas. (50€/p) A ruta marítima organizada pola empresa de turismo activo Rutas Cedeira ten completo o cupo do martes 23 e está a puntiño de completarse tamén o do venres 26 pola tarde. Partindo do peirao vello de Cedeira percórrese a costa do Complexo Xeolóxico do Cabo Ortegal até Os Aguillóns descubrindo como se formaron os cantís máis altos da Europa continental e tamén outras peculiariedades da paisaxe que, vistas desde o mar, cobran unha nova dimensión.

As reservas deben efectuarse no teléfono 722 615 382. O prezo son 50€, incluído seguro. As saídas están condicionadas ao estado do mar.

Domingo 11 de setembro, 10:00 a 14:00h: Xeorruta do Cromo (Concello de Cedeira). Máximo 20 prazas. Partindo do Cruceiro de Teixidelo iremos bordeando a costa até Herbeira. Unha zona espectacular polas vistas, pero tamén por ser paraíso das rochas ultramáficas e de materiais como a cromita, a magnetita, a morenosita, a zaratita ou a andradita. No percorrido pararemos en puntos onde, ademais de minerais ricos en cromo, tamén se atoparon acumulacións de platino. A visita tamén permite apreciar unha falla que fende toda a Serra da Capelada. Máis info e reservas aquí.

Domingo 11 de setembro, 16:30 a 20:30h: Xeorruta do Limo (Concello de Cariño). Máximo 20 prazas. Esta ruta polo macizo do Limo permitirá descubrir formacións rochosas moi singulares que co paso do tempo foron adquirindo formas sumamente curiosas e rechamantes.

Isto, unido a que o percorrido discorre polos cantís máis verticais da Serra da Capelada, farán desta visita xeolóxica unha oportunidade única para coñecer a zona lindeira co corte costeiro de Herbeira, máis elevado pero menos pendente. Máis info e reservas aquí.

Mércores 14 de setembro, 10:00 a 16:00h: Xeorruta do Granate (Concello de Cedeira), última do verán. Máximo 15 prazas. Esta ruta discorre por un pequeno sendeiro de pesca desde o Santuario de Santo André ata a enseada das Cortes, onde se observa unha ampla variedade de rochas moi rechamantes -entre elas algunhas con presenza de granates- tanto pola súa cor como pola súa textura, así como un salientable número de estruturas xeolóxicas que poñen de manifesto a intensa deformación que afectou a esta rexión hai 350 millóns de anos.

Esta ruta xeolóxica é para moitas das persoas que xa a fixeron unha das máis espectaculares de todas cantas se ofrecen pola zona. Hai que ter en conta que é un percorrido de dificultade alta, debido ao desnivel que acumula e á presenza de tramos con pedra solta, polo que é preciso levar un calzado con bastante debuxo na suela e a poder ser que protexa os nocellos. Debido á duración da actividade tamén se recomenda levar comida lixeira -barras enerxéticas, froita ou outros sólidos- ademais de auga. Máis info e reservas aquí.

Volvemos na primavera!