CULTURA

Cedeira se alía con Ribadeo y Burela para potenciar el turismo geológico

CEDEIRA SE ALÍA CON RIBADEO Y BURELA PARA POTENCIAR EL TURISMO GEOLÓGICO

La apuesta por el ecoturismo, a través del paisaje litoral, su valor ecológico y patrimonial, ha unido al Concello de Cedeira con los mariñanos de Ribadeo y Burela. Los tres ayuntamientos se han aliado en un proyecto denominado Entre Arcos e Cantís, para el que buscan financiación a través del Grupo de Acción Local do Sector Pesqueiro (GALP) de A Mariña-Ortegal. El presupuesto asciende a 140.000 euros, para costear, este año y el que viene, una serie de actividades que impliquen a los tres municipios.

Entre Arcos e Cantís incorpora, además, las georutas (salidas geológicas interpretadas), una actividad que inició, con magníficos resultados, el Concello de Ribadeo el pasado verano, de la mano del geólogo Francisco Canosa, y que este año se han extendido a Cedeira, Burela y otras poblaciones de Ortegal y Ferrolterra, con idéntico balance. Como apunta la concejala cedeiresa, «o obxectivo principal do proxecto é potenciar o ecoturismo (…), creando novas alternativas económicas locais, conciliando o desenvolvemento sostible do territorio». De hecho, abunda, cada uno de los tres concellos involucrados en esta iniciativa trabajarán en paralelo «na conservación e na protección do espazo».

Estos tres municipios aúnan un singular patrimonio. En Cedeira citan la Serra da Capelada, «coa presenza de materiais pouco habituais na superficie do planeta, que permiten coñecer e saber como é o seu interior», los acantilados más altos de la Europa continental o las únicas playas de arena negra no volcánica «probablemente do mundo [en Teixidelo]», asevera Canosa.

Ribadeo cuenta «co maior conxunto de arcos rochosos da Península Ibérica, así como a rasa cantábrica, os pregues tombados da zona de Piñeira ou os ‘ollos de Rinlo’», como recoge el proyecto. En el caso de Burela, en http://rutasxeoloxicasdegalicia.blogsport.com.es/, el blog donde Canosa divulga las georutas de la zona, se incide en la importancia «del conjunto de pliegues mejor conservados de Galicia, estructuras geológicas de más de 300 millones de años de antigüedad [en O Perdouro], y los hermosos arcos naturales de O Castrelo, que contrastan con los materiales de la rasa cantábrica, la superficie aplanada que comienza en Burela y se extiende por buena parte del Cantábrico».

María Xosé Rodríguez, primera teniente de alcalde de Cedeira (BNG), destaca la elaboración «do inventario do patrimonio natural e dunha guía xeolóxica da zona»; y la creación de una plataforma web, «que porá en valor tanto a xeodiversidade como outros recursos, a arqueoloxía e o patrimonio, e tamén as alternativas de aloxamento, ocio e restauración». El diseño de una aplicación móvil, «que incluirá os itinerarios xeolóxicos», y la puesta en marcha de programas de formación y educación medioambiental dirigidos a los centros de enseñanza constituyen otros dos pilares importantes del proyecto.

Fonte La Voz de Galicia

Fotografía :FRAN CANOSA

Raúl Gil Bures foi o gañador da segunda edición co concurso de pintura rápida Vila de Cedeira

RAÚL GIL BURES FOI O GAÑADOR DA SEGUNDA EDICIÓN CO CONCURSO DE PINTURA RÁPIDA VILA DE CEDEIRA

Un total de 17 artistas tomaron parte do concurso de Pintura Rápida organizado polo Concello de Cedeira, do que este ano resultou gañador Raúl Gil Bures cunha obra na que se recolle un tramo do paseo de la Marina da vila cedeiresa.

O segundo premio foi para Manuel Carballeira -que optou por reproducir a praia-, mentres que Javier Sande Iglesias se fixo co terceiro cunha paisaxe duns acantilados.

O certamen, que se celebrou hoxe, convida a afeccionados e profesionais da pintura a mostrar diferentes realidades dos recunchos máis coñecidos da vila. Non existe límite de idade e as obras premiadas pasan a ser propiedade do Concello.

A organización do certamen correspondelle á concellería de Cultura. A súa titular, María Xosé Rodríguez, presidiu esta tarde o acto de entrega de premios, no que destacou o elevado nivel das obras presentadas. “Houbo moita calidade”, dixo.

O Concello repartiu entre os premiados un total 1.300 euros, de maneira que o primeiro recibiu 600 euros; o segundo 400 e o terceiro 300, ademais dos diplomas correspondentes.

O pianista Martín Otero Ferreira e a asociación de acordeóns de Cedeira actúan en beneficio de afal

O PIANISTA MARTÍN OTERO FERREIRA E A ASOCIACIÓN DE ACORDEÓNS DE CEDEIRA ACTÚAN EN BENEFICIO DE AFAL

O Auditorio Municipal de Cedeira será escenario o vindeiro mércores, 31 de agosto, dun concerto solidario a favor de AFAL Ferrolterra (Asociación de Familiares de Enfermos de Alzheimer e outras demencias de Ferrol e comarca). O Concello de Cedeira colabora na celebración desta atdividade, que dará comezo ás oito.

Actuarán no concerto a Asociación de Acordeóns de Cedeira, que interpretará o seu mellor repertorio neste evento tan especial, e o virtuoso do piano e xove promesa Martín Otero Ferreira. As entradas para asistir están xa á venda ó prezo de dous euros e poden adquirirse por anticipado na sede da asociación –rúa Río Castro, 43-45 baixo, Ferrol- ou o mesmo día do concerto.

Dende AFAL Ferrolterra, a súa presidenta, Ana María López, agradece moi especialmente tanto o apoio brindado polo Concello como a colaboración desinteresada de Martín Otero Ferreira e a Asociación de Acordeóns da vila.

Certame de pintura rápida

CERTAME DE PINTURA RÁPIDA

O Certame de Pintura Rápida Vila de Cedeira terá lugar o próximo domingo, día 28 de agosto. Trátase de convidar a afeccionados e profesionais da pintura a mostrar diferentes realidades dos recunchos máis coñecidos da vila. A inscrición pódese formalizar o mesmo día do concurso no posto de turismo do paseo da Marina, entre as nove e as once da mañá. As persoas interesadas poden ter máis información a través do número de teléfono 680 473 273.

A organización dispón dun total de 1.300 euros para distribuír entre os tres primeiros clasificados, de maneira que o primeiro recibirá 600 euros; o segundo 400 e o terceiro 300, ademais dos diplomas correspondentes.

O Concello organiza o “Volve á Vila” para celebrar o remate das festas.

O CONCELLO ORGANIZA O “VOLVE Á VILA” PARA CELEBRAR O REMATE DAS FESTAS

Mañá, sábado 20 de agosto, a partir das 18h na Praza da Rectoral ou Praza Vella, celebrarase o remate das festas, no que se convida a todos los veciños e veciñas, e por suposto aos visitantes que se acerquen á nosa Vila, a unirse a esta celebración.

O Obxectivo desta festa é recuperar o casco vello como espazo de vida e de ocio para todos os veciños, cunha merenda e música popular.

A saida do terceiro boletín “As7parroquias” coincide coa celebración das festas da patroa

A SAÍDA DO TERCEIRO BOLETÍN “AS7PARROQUIAS” COINCIDE COA CELEBRACIÓN DAS FESTAS DA PATROA

O Concello de Cedeira aproveitou a celebración das festas da patroa para poñer na rúa o terceiro número do boletín informativo “As7parroquias”. Deste xeito veciños e visitantes teñen a posibilidade de coñecer as últimas novidades relativas á actividade municipal e outros asuntos de interese. Entre eles, destaca a firma dun convenio coa Consellería de Medio Ambiente, Territorio e Infraestruturas para mellorar e optimizar o funcionamento da rede de sumidoiros; as obras previstas para acondicionar os colexios de cara ao próximo curso escolar e a convocatoria que se fai a todos os cedeireses a participar na Vuelta Ciclista a España que o día 23 terá o final de etapa a poucos metros da garita de Herbeira. O goberno local xa ten comentado que é unha magnífica oportunidade para a promoción turística do municipio a nivel internacional.

Outros temas tamén recollidos no número de agosto de “As7parroquias” son os éxitos do club de remo, o balance positivo do programa das Xeorutas e o feito de que o turismo que ten como destino Cedeira é maioritariamente nacional e familiar. A inauguración do Museo Mares Cedeira, os campamentos de verán e unha pequena estrevista ao cantante Xabier Díaz foron outros dos asuntos que tamén tiveron cabida no último número do boletín informativo do Concello de Cedeira.

O próximo número sairá en outubro.

Se quere ver o boletín online visite a seguinte ligazón:

VER BOLETÍN AS7PARROQUIAS

Os pregoeiros homenaxearon a xente do mar

OS PREGOEIROS HOMENAXEARON A XENTE DO MAR

Aínda que o ambiente festivo xa leva días na rúa, o comezo oficial das festas de Cedeira foi hoxe, ás oito da tarde, coa lectura do pregón dende o balcón do Concello. Ollando de cara ao coñecido patio do laranxo, o alcalde, Pablo Moreda Gil, en compa- ñía doutros membros da corporación municipal, invitou a veciños e visitantes a gozar dun programa cheo de tradicións, actuacións musicais e citas populares. Como cada ano, o pregón foi seguido por unha morea de xente.

O alcalde sinalou que “este ano queremos homenaxear á Cedeira mariñeira, temos a necesidade de recordar a nosa orixe, aquela que desperta a lembranza, o esforzo, a templanza, o risco, a satisfación, o desánimo pero tamén a ilusión, a ledicia” e desexou que “o día de hoxe sirva de recordo para as peixeiras, as redeiras, mariñeiros, mariscadoras, nais e avoas que sacaron as familias cara adiante nunha sociedade tan difícil”. Tamén dixo que o mar está moi presente na vila a través da nosa patroa, a Nosa Señora do Mar,“unha virxe preocupada polo traballo das xentes do mar”, un labor que tamén fan, segundo o alcalde, Manuel García Iglesias -tripulante do Helimer 401- e Daniel Rey Piñón -este último no Pesca 2- ambos os dous veciños da vila e con vocación de servir aos demais rescatando aqueles que están en risco de perder a vida por accidentes ou outras circunstancias no mar. Son persoas preparadas, segundo Moreda, que “poñen a súa vida propia a disposición das xentes do mar para manter a salvo o que eles consideran o auténtico valor, o traballo no Mar. Ese é sen dúbida o noso grial, e para defendelo son cabaleiros, guerreiros ou o que faga falla, incluso pregoeiros!!!”.

Na súa intervención, que deu lugar a unha especie de diálogo entre Manuel e Daniel, os pregoeiros fixeron mención ao sacrificio que conleva a vida dos mariñeiros, “vinte días no mar e dous na casa”, así como ás moitas nostalxias coas que teñen que convivir familias cos homes, fillos, irmás ou parentes gañándose a vida sempre lonxe da casa e nas máns das inclemencias metereolóxicas.

No discurso tamén falaron do que para eles significan as festas da patroa. “É un sentimento”, tal e como recoñeceu Manuel García Iglesias dende o balcón do Concello. Ilusión, afán e gozo foron outras das verbas que ambos pronunciaron para explicar o momento tan especial do ano que representan as celebracións da patroa. “É o tempo no que as familias e amigos reúnense, falan e divírtense”, apuntaron, “unha cita que ningún cedeirés quere perderse, unha chamada da terra que se leva no corazón”, segundo apuntaron os pregoeiros.

O programa de mañá sábado inclúe xogos tradicionais na praia da Madalena (16.30 horas), o espectáculo familiar de rúa Fumán Músicoloco na praza Floreal (20.00 horas) e os concertos de Xabier Díaz e Adufeiras de Salitre (22.30 horas) e Barefoots (24.00 horas) na praza Roxa.