Skip to content Skip to left sidebar Skip to footer

CULTURA

Radio Nacional emitirá un programa sobre as Xeorutas e o proxecto de creación do Xeoparque do Ortegal

RADIO NACIONAL EMITIRÁ UN PROGRAMA SOBRE AS XEORUTAS E O PROXECTO DE CREACIÓN DO XEOPARQUE DO ORTEGAL

Radio Nacional emitirá un programa sobre as Xeorutas e o proxecto de creación do Xeoparque do Ortegal, realizado polo periodista Ricardo Sandoval e que sairá o día 11 de outubro na antena de Radio Cinco para toda España e posteriormente en Radio Exterior para todo o mundo. Esta última data aínda está sin determinar.

Para a realización do mesmo Ricardo Sandoval contou coa participación da concelleira de Cultura, María Xosé Rodríguez Pérez, e máis do xeólogo Francisco Canosa, que explicarán á audiencia da radio pública o que as rutas xeolóxicas guiadas están a representar como turismo alternativo para a comarca do Ortegal, así como as posibilidades de ocio que chegarán á zona da man do xeoparque, unha iniciativa na que ademais de Cedeira participan outros seis municipios da zona (Valdoviño, Cariño, Ortigueira, Cerdido, San Sadurniño e Moeche).

O Concello ofrece cursos preparatorios para a obtención dos CELGA 2 e 4

O CONCELLO OFRECE CURSOS PREPARATORIOS PARA A OBTENCIÓN DOS CELGA 2 E 4

A Secretaria Xeral de Política Lingüística vén de convocar as probas para a obtención dos CELGA 2 e 4. Cómpre lembrar que o prazo de inscrición remata o 4 de outubro.

Por mor deste anuncio, o Servizo de Normalización Lingüística do Concello de Cedeira vai ofrecer cursos preparatorios para a obtención destes certificados de competencia en lingua galega.

As persoas interesadas en recibir esta formación deben escribir ao seguinte enderezo electrónico: normalizacion@cedeira.es . O asunto da mensaxe debe ser “cursos CELGA”. É preciso tamén indicar nome, DNI, data e lugar de nacemento, idade e preferencia horaria (mañá ou tarde).

O Palacete acolle a exposición de alumnos da escola municipal de pintura

O PALACETE ACOLLE A EXPOSICIÓN DE ALUMNOS DA ESCOLA MUNICIPAL DE PINTURA

Ata o día 6 de outubro estará aberta ao público a exposición de pintura na que se pode ver unha colección de 46 obras realizadas polos alumnos e alumnas da escola municipal que ten á fronte a Andrés Urrutia. O Palacete Municipal (avenida Castelao, nº19) acolle desde esta semana unha mostra na que se dan a coñecer os traballos realizados polos alumnos durante o pasado curso. Trátase de obras de moi diferente temática e “sorprendentes”, segundo apuntou o profesor.

A exposición pódese visitar de luns a venres de 9.00 a 14.30 e de 16.00 a 20.00 horas, e os sábados de 10.00 a 14.00 horas. A escola municipal de pintura está en marcha desde os primeiros días do presente mes. Ademais das clases que se están a impartir na vila de Cedeira tamén se levan a cabo nas parroquias de Montoxo e Santalla, ás que, en cuestión de días, se sumarán as que se dan aos alumnos do CEIP Nicolás del Río. En todos os casos é unha actividade promovida e financiada polo Concello de Cedeira.