Reanudase a todos os efectos o funcionamento da ZONA AZUL no municipio de Cedeira

O pasado día 18 de marzo foi emitido un bando da Alcaldía polo que se facía saber á veciñanza que ante a crise provocada polo virus COVID-19 (Coronavirus), á vista da declaración do estado de alarma efectuada polo Goberno da Nación, e coa fin de contribuír e facilitar a limitación da mobilidade, quedaba suspendida a ZONA AZUL no municipio de Cedeira ata o remate do estado de alarma.

Unha vez rematado o estado de alarma e xa dentro da “nova normalidade”, infórmase aos veciños e veciñas que a partir do vindeiro luns, 6 de xullo, reanudarase a todos os efectos o funcionamento da ZONA AZUL no municipio de Cedeira.