O CICLO CANTOS E CONTOS AO SOLPOR VIAXA ESTE SÁBADO Á PARROQUIA DE SANTALLA

O ciclo de Cantos e Contos ao Solpor que o Concello de Cedeira organiza cada ano no mes de setembro trasládase este sábado á parroquia de Santalla. Alí, as poetas Lucía Aldao e María Lado ofrecerán o espectáculo “O Ben Querer(se)”, unha mistura de música e historias na que estas dúas poetas falan con moito humor das desigualdades entre xéneros e como estas afectan ás mulleres. A función será ás 20.00 horas no local social de Tarroiba.

Por outra banda, segue adiante no mes de setembro o programa de roteiros turístico Descobre Cedeira organizado polo Concello. Este xoves, día 8, desenvolverase a ruta por San André de Teixido. É un percorrido de dificultade media, con saída ás 10.00 horas desde a igrexa de Regoa e que se prolonga ata as 17.00 horas, polo que se recomenda levar a comida. As persoas interesadas poden informarse ou inscribirse de balde na Oficina de Turismo ou ben a través de mail –mar.lopez@cedeira.gal- ou teléfono -981 482 187-.