Skip to content Skip to left sidebar Skip to footer

MARTA ALONSO TEJADA LEVA ESTE SÁBADO A CEDEIRA O SEU ESPECTÁCULO DE DANZA BAILA AGORA

O Auditorio Municipal de Cedeira acolle este sábado, ás 20.00 horas, o espectáculo Bailar Agora. A bailarina Marta Alonso Tejada é directora e intérprete desta proposta, na que escenifica a súa propia traxectoria no mundo da danza a través do humor e a cercanía co público. É unha función dirixida a todos os públicos e é preciso reservar de xeito anticipado as entradas, que teñen un prezo de 2,5€.

Bailar Agora preséntase como unha “sorte de imperativo cara o posicionamento no presente social e persoal a través da danza”. A crítica ten alabado a orixinalidade da linguaxe escénica que emprega Marta Alonso, a simpatía e honestidade coa que a artista se expresa e tamén a súa calidade. A peza, estreada en outubro de 2020, é unha coprodución de Marta Alonso, trasPediante e o Centro Coreográfico Galego e Agadic.

As persoas interesadas en asistir poden reservar a súa entrada por whatsapp, a través do número 649 876 614 ou ben dirixindo un mail a enrique.vazquez@cedeira.gal.