INNAUGURADA EN CEDEIRA EXPOSICIÓN “ROSTROS DA MEMORIA FERROL 1972”

Onte, 31 de agosto, na Praza da Revolta, en Cedeira, quedou inaugurada a Exposición fotográfica “ROSTROS DA MEMORIA FERROL 1972”, do artista e académico Xurxo Lobato, realizada pola Mancomunidade de Concellos da Comarca de Ferrol, coa colaboración das Asociacións Culturais Fuco Buxán e Memoria Histórica Democrática.

Exposición enmarcada na conmemoración do 50 Aniversario do DEZ DE MARZO 1972. Os sucesos acaecidos en Ferrol naquela data considerada “Día da Clase Obreira Galega” e que tiveron posterior trascendencia ao longo de toda Galicia.

Presentóu o acto José Luis Vergara, da Sección de Cedeira de M.H:D., e interviron: o autor Xurxo Lobato, Rafael Pillado, un dos protagonistas daqueles feitos, que falou en nome das dúas Asociacións e a Concelleira de Cultura de Cedeira, Ermitas García Ríos.

A mostra se compón dos retratos actuáis de 30 persoas, das que ainda nos acompañan, en representación de cantas participaron naquel momento. Compleméntase cos nomes dos dous mortos – Amador e Daniel – dos numerosos feridos e de moitos represaliados, así como sendos textos de Ánxela Loureiro, profesora e escritora e do catedrático da USC Lourenzo Fernández.

Durante o acto Rafael Pillado firmou exemplares do libro “10 de Marzo: Un conflicto del Movimiento Obrero Gallego por la Democracia” do cal é un dos autores. A adquisición desta publicación, coordinada polo profesor e historiador José Gómez Alén, axuda a sufragar os numerosos actos que se realizan ao longo deste 50 aniversario.

Tamén se recolleron firmas para o traslado do Monumento ao Dez de Marzo á contigua praza dándolle máis visibilidade e resituándoo onde realmente ocorriron os sucesos.

Estará en Cedeira ata o 14 de Setembro, para continuar logo a súa itinerancia polos restantes Concellos da comarca.