Skip to content Skip to left sidebar Skip to footer

NOVAS

Xornada sobre protección da infancia fronte ao maltrato e o abuso sexual

XORNADA SOBRE PROTECCIÓN DA INFANCIA FRONTE AO MALTRATO E O ABUSO SEXUAL

A Concellería de Benestar Social e Igualdade do Concello de Ortigueira a través do Centro de Información á Muller organiza unha Xornada sobre protección da infancia fronte ao maltrato e o abuso sexual dirixida ás familias e aos profesionais dos servizos sociais, profesionais educativos e da saúde. Colabora a Xunta de Galicia

O obxectivo da xornada é visibilizar a problemática existente, moi soterrada todavía e máis no rural, e acadar unha actuación eficaz facilitando o coñecemento das ferramentas de deteción e os recursos.

Data: 30 de maio de 2018
Lugar de celebración: Centro de Participación Social de San Roque. Ortigueira

Inscricións ata o luns 28 de maio. PRAZAS LIMITADAS

Descarga o formulario de inscrición

Descarga do programa

Máis información: CIM: 981 40 25 42

A Policía Local e a Concellería de Educación programan a II Semana da Seguridade Viaria Escolar

A POLICÍA LOCAL E A CONCELLERÍA DE EDUCACIÓN PROGRAMAN A II SEMANA DA SEGURIDADE VIARIA ESCOLAR

A Concellería de Educación e a Policía Local de Cedeira realizarán a II Semana da Seguridade Viaria Escolar do luns 23 ao venres 27 de abril, no CEIP Nicolás do Río e o IES Punta Candieira. Alumnos de ambos os colexios apoiarán á Policía Local dirixindo o tráfico nas horas de entrada e saída aos centros escolares.

Esta segunda edición contará con charlas dirixidas ás Ampas e aos pais e nais de alumnos que desexen asisitir, así como diferentes charlas temáticas para alumnos do IES Punta Candieira impartidas por entidades do nivel de Stop Accidentes ou Aesleme.

Do mesmo xeito a asociación local Sobre Rodas colaborará en charlas e talleres con alumnos de ambos os colexios, nos cales se farán percorridos en cadeira de rodas por diferentes rutas da contorna urbana e analizarase a problematica destes desprazamentos.

A Policía Local tamén ten preparadas varias prácticas coas autoescolas ITT Galicia e Xecas, na que alumnos do IES Punta Candieira poderán experimentar diferentes graos de reacción na condución grazas a unhas lentes especiais que simulan os efectos de estar sometido a intoxicación por alcol, drogas, e medicamentos.

Ademais a maiores, en colaboración coa A.V. Protección Civil, tamén se realizasen simulacros de evacuación de alumnos nos autobuses de transporte escolar, e formarase aos condutores e acompañantes na forma de realizar estas evacuacións. O último día da semana dedicarase por completo ao Día da Bicicleta, no que se prohibirá por completo o acceso de vehículos ao CEIP Nicolás do Río e durante a xornada escolar a vía estará libre para o uso da bicicleta, patíns e monopatines, por alumnos e pais.

  • 18 Abril, 2018 en NOVAS

A Fundación ECCA prepara a PROBA LIBRE para a obtención do título de Graduado en Educación Secundaria Obrigatoria para Adultos.

GRADUADO EN EDUCACIÓN SECUNDARIA

Fundación ECCA prepara a PROBA LIBRE para a obtención do título de Graduado en Educación Secundaria Obrigatoria para Adultos.

A proba libre estrutúrase en 3 ámbitos, realizándose un exame de cada un deles:

  • ÁMBITO MATEMÁTICO-TECNOLÓXICO: Matemáticas, Física, Química, Bioloxía, Xeoloxía e Tecnoloxía.
  • ÁMBITO CIENCIAS SOCIAIS: Xeografía, Historia, Arte e Música.
  • ÁMBITO LINGÜÍSTICO: Lingua Galega, Lingua Castelá e Iinglés.

É necesario que se superen os 3 ámbitos para obter o título. No caso de superar un ou dous deles, estes ámbitos quedarían aprobados para seguintes convocatorias, polo que para obter o título só sería necesario aprobar os ámbitos que estiveran suspensos.

Os exames realízanse dúas veces ao ano, na primavera e en setembro.

Se algunha persoa tivese aprobado algún ámbito de 4º da ESO, sería convalidable e non precisaría examinarse del.

A metodoloxía que seguimos é semipresencial, facilitándoselle ó alumno os manuales de cada módulo xunto con cos audios das clases gravadas necesarios para o seguimento dos mesmos.

Paralelamente o alumno poderá asistir una vez á semana á tuorías para cada un dos tres ámbitos onde se resolverán dudas así como exercicios e test da proba oficial de anos anteriores.