NOVAS
Resultado das votacións do II Concurso de Tapas de Outono
Resultado das votacións:
1º Posto Taberna de Esteiro
puntuación 3,94
2º Posto Taberna do Jojó
puntuación 3,63
3º Posto Mesón O Mesón
puntuación 3,62
Parabéns!!
Total de tarxetas de votación válidas emitidas: 353
Tapas vendidas (aproximación aportada polos establecementos participantes): 7500
Persoa gañadora do sorteo dunha cea para dúas persoas no local con mellor puntuación (Taberna de Esteiro): Laura Quiza, parabéns!
Graciñas a todas as persoas que participáchedes do concurso polo bo ambiente xerado durante estas xornadas, aos locais participantes pola boa disposición e animar desde aquí a todos os locais da Vila que non participaron nesta ocasión a sumarse a novos eventos gastronómicos que se desenvolvan.
A festa do samaín comeza mañá coa representación da obra as parábolas de pakolas no auditorio
O Auditorio municipal de Cedeira acollerá hoxe xoves a representación da obra As Parábolas de Pakolas, unha actuación que será ás 17.30 horas e coa que comezarán as celebracións de Samaín no municipio.
Trátase dun espectáculo musical, no que Paco Cerdeira interpreta en directo temas propios para público infantil, con música de rock e outros estilos e con letras sempre acomodadas para os máis pequenos.
O venres, día 1, a festa traducirase en obradoiros de zonchos e pintura, ás 17.00 horas, e na representación da obra Dona Barriga Verde a cargo de Larraiz Urrutzola (19.00 horas). Ámbalas dúas citas serán no paseo da Mariña.
O sábado, día 2, as actividades darán comezo ás 17.00 para despois prolongarse ata máis alá das 20.30 horas. Neste intervalo de tempo terá lugar o acto de presentación das cabazas para o concurso (17.00 a 19.30 horas); saída da xincana infantil (17.00 horas); obradoiro de maquillaxe, merenda de outono con requeixo con mel e bola de azucre e Casa do Terror (17.30 horas); entrega dos premios (20.00 horas) e Desfile das Pantasmas pola zona vella (20.30 horas).
As persoas interesadas en tomar parte tanto na xincana infantil, organizada por Aventureros en Galicia, como na Casa do Terror (idade ata os 15 anos) terán que inscribirse en horario de 12.30 a 14.00 e de 16.00 a 16.30 horas nos toldos situadas no paseo da Mariña.
A programación do Samaín rematará o domingo día 3 coa presentación do libro Viaxe ao Alén de Obdulia Dopico, que será ás 13.00 horas no Palacete municipal e no que intervirán a concelleira de Cultura, Ermitas García e o historiador e docente, Carlos Breixo, entre outras persoas.
