Aviso de proceso de contratación de persoal:
Xa está publicado o listado provisional de admitidos e excluídos correspondente á concesión de axudas para o impulso da actividade económica no termo municipal de Cedeira para paliar os efectos do Covid-19.
Na seguinte ligazón pode descargar o documento:
Un total de seis profesionais -unha restauradora, un canteiro, tres auxiliares de arqueoloxía e o arqueólogo Emilio Ramil, da empresa AXA Arqueoloxía -están a traballar na sétima campaña de escavacións no castro Sarridal, a terceira financiada pola dirección xeral de Patrimonio Cultural da Xunta de Galicia. O importe da intervención supera os 14.000 euros (IVE incluído).
Os traballos que deron comezo o pasado venres, terán continuidade ata a segunda semana do próximo mes de outubro, sumando un total de 22 días. O proxecto consiste na posta en valor e consolidación das estruturas, na súa maioría as escavadas durante a anterior campaña, así como a instalación de elementos separadores para protexer e darlle altura a construcións como poden ser murallas ou mesmo zonas de acceso. Estes elementos separadores son as denominadas “hiladas” en arqueoloxía, que consisten na instalación dunha serie horizontal de ladrillos ao outras pezas colocadas nun mesmo plano para alzar unha parede ou muro.
Así aos similares traballos xa realizados na antecámara e no forno sumaranse agora os que nos próximos días se levarán a cabo na zona de alimentación do forno, no muro que define o pavimento orixinal de acceso, na muralla -paramento interior e exterior- e no bastión, entre os principais.
O alcalde, Pablo Diego Moreda Gil, reiterou o compromiso do executivo local de seguir investindo ata completar o levantamento íntegro do castro “para axudar ao coñecemento da nosa cultura e do noso pasado e para facer dese lugar unha referencia a nivel patrimonial e cultural, ademais de paisaxístico”. Adiantou a intención do goberno de financiar unha nova escavación arqueolóxica antes de que finalice o ano e valorou os traballos de consolidación que está a levar a cabo a Xunta “porque é importante que a xente saiba como era a vida no castro e, ademais, é unha forma de evitar que se deteriore co paso do tempo”.
O rexedor cedeirense recoñeceu así mesmo sentirse orgulloso dos resultados obtidos na sexta escavación, na que foi localizada unha moeda do século I a.de C., e recordou que se está a traballar na remodelación do castelo da Concepción para que poida acoller o centro de interpretación do castro Sarridal coa exposición de todos os obxectos e restos recuperados.
O alcalde de Cedeira, Pablo Diego Moreda Gil, quere trasladar a satisfacción do goberno local polo próximo comezo das obras de mellora da AC-566 e compartir con toda a cidadanía de Cedeira este logro que contribuirá non so a facer a estrada máis segura, senón tamén a abrir novas oportunidades de negocio e xerar emprego na lodalidade.
Moreda Gil recorda e valora os anos de espera e de xestións diante da Xunta ata chegar ao momento actual, no que xa restan 18 meses “ para que xa esteamos a utilizar unha estrada que ofreza seguridade ás persoas e futuro á comunidade local”.
O rexedor municipal considera que a realización deste proxecto representa “un dos grandes éxitos deste mandato e dos últimos anos” e destaca así mesmo as características dunha obra adxudicada pola cantidade de 3,6 millóns de euros e que se materializará no tramo comprendido entre a saída do municipio de Valdoviño e A Ramalleira, lugar situado na parroquia de Pantín.
O inicio da intervención sitúase no próximo mes de novembro e o proxecto consistirá na redefinición do trazado ao longo de case catro quilómetros da estrada, dotándoa dun terceiro carril para vehículos lentos naquelas zonas nas que sexa posible e coas mínimas afeccións ambientais nos espazos de protección da Rede Natura.
Para a realización destas actuacións é necesario incrementar o ancho da infraestrutura viaria, así como reforzar o seu firme ao longo de algo máis de dous quilómetros. Nos 1,9 km restantes, se procederá á rectificación de curvas, á mellora das interseccións ou cambios de sentido e ao aumento da sección, creando un carril adicional para facilitar os adiantamentos. Segundo o proxecto, case a metade do tramo obxecto da actuación contará con este tipo de carril, o que reducirá nun 30% o tempo de tránsito. Cabe recordar que a día de hoxe a liña continua prolóngase por oito quilómetros dunha estrada pola que circulan unha media de 5.000 vehículos ao día e cun índice de perigosidade elevado.
A vía manterá no seu conxunto o seu trazado actual para non afectar ás numerosas edificacións que existen a ámbalas dúas marxes da AC-566 ao tempo que se contempla a rectificación da curva situada na zona da canteira e a realización de carrís adicionais durante o tempo que duren as obras para garantir adiantamentos máis seguros.
