NOVAS

A BIBLIOTECA MUNICIPAL DE CEDEIRA TEN 5.307 SOCIOS, UN NÚMERO QUE EQUIVALE A MÁIS DO 80% DA POBOACIÓN

A biblioteca municipal de Cedeira pechou o pasado año 2022 cun total de 5.307 socios, un número moi destacable en relación ao padrón de habitantes, 6.626 segundo a última e recente actualización. O servizo, que leva o nome do ilustre cedeirés López Cortón, rexistrou o pasado ano 111 novas altas e, como é habitual, unha intensa actividade . Desde o goberno local, o alcalde Pablo Diego Moreda Gil celebrou a vida que ten a biblioteca e a súa raizame na sociedade local, e destacou que nos últimos anos se ampliaron as instalacións para mellorar entre outras cousas a súa a accesibilidade, e que se foron facendo outros investimentos, como o máis recente destinado a novo mobiliario para a sala de lectura de prensa e o espazo infantil.

Durante o pasado ano a Biblioteca López Cortón contou 10.256 lectores (persoas que acudiron para estudar ou ler nas súas salas, facer consultas ou solicitar préstamos, ben sexan veciños e veciñas da vila ou veraneantes). O servizo ten un horario amplio, de luns a venres de mañá e tarde –de 08.00 a 14.00 e de 17.00 a 20.00 horas- e sábados pola mañá -de 10.00 a 13.00 horas- e conta cunha ampla colección de fondos, composta por 31.807 libros, xunto coa sección de revistas e películas tanto de adultos como infantiles. A biblioteca realizou, durante o último exercicio, 5.252 préstamos de libros (2.876 de adultos e 2.376 infantís).

A bibliotecaria, Ángeles Fernández, subliñou que o servizo está moi arraigado en Cedeira e que mantén unha liña de colaboración permanente cos centros educativos da vila. Ao longo do ano desenvolven o programa “Ler conta moito”, de dinamización da lectura e participan noutras actividades e propostas como foi a recente visita da “Maleta Viaxeira” do Ministerio de Igualdade. Pero ademáis a López Cortón conta desde o pasado 8M co seu propio “Punto Lila” adicado a lecturas de temática feminista acaídas para público de diferentes grupos de idade.

O goberno local destinou o pasado ano máis de 7.000 euros á compra de novo mobiliario para a sala de lectura infantil, así como á de adultos. Cómpre recordar que anteriormente investíranse uns 8.000€ no cambio do chan de madeira e mobiliario da sala máis antiga da biblioteca. A actuación máis importante levouse a cabo no anterior mandato, cando se destinaron máis de 200.000€ á ampliación das instalacións. Daquela anexionouse un inmoble contiguo ao antigo, de maneira que a biblioteca puido mellorar a súa accesibilidade e incorporar un ascensor, así como incrementar e poñer ao día outros equipamentos. Aquela ambiciosa intervención culminou coa pintura dun mural adicado a Rosalía de Castro nun lateral do edificio, unha obra que se ten convertido nunha icona do casco antigo cedeirés.

A ORQUESTRA OLYMPUS AMENIZARÁ UNHA VERBENA DE FIN DE FESTAS DE NADAL ESTE VENRES EN CEDEIRA

O goberno municipal de Cedeira reprogramou para este venres, día 6 de xaneiro, a verbena coa orquestra Olympus que tivo que ser suspendida na madrugada de Ano Novo pola adversa meteoroloxía. O evento transfórmase nunha festa de despedida das festas de Nadal, coa que o Concello quere brindar á veciñanza e ás numerosas personas que visitan a vila nestas festas, para reencontrarse con amigos e familia, unha oportunidade para gozar e divertirse xuntos.

Desta volta a verbena comezará ás 23.15 horas, nunha carpa disposta ao efecto na praza Roxa. A orquestra Olympus, unha das máis prestixiosas de Galicia, levará o seu espectáculo de música de diferentes estilos e baile á vila, xusto no arranque da súa nova xira 2023.

Cómpre recordar que hoxe a Cabalgata dos Reis Magos en Cedeira sairá do CEIP Nicolás do Río ás 18.00 horas, coas súas tres carrozas para Gaspar, Melchor e Baltasar. Realizará un percorrido polo casco urbano e irá ao Auditorio Municipal, onde recibirán aos nenos e nenas que queiran entregarlles as súas cartas. A continuación, sobre as oito, haberá unha merenda nas instalacións do colexio, na que se repartirá chocolate quente con roscón de Reis ou bola. Instalaranse xogos inclables para a cativada.

Para o sábado, día 7, está prevista a Carreira Popular de Nadal que tivo que ser adiada o pasado día 31. A cita lúdico-deportiva comezará na praza Roxa ás 16.00 horas, cun itinerario circular que pasará pola praza 18 de Decembro, o Camiño Real da Madalena, a rúa Salinas, a avenida de España e remate na praza Roxa. As persoas adultas realizarán dúas voltas ao trazado, mentres que as persoas que opten por facer unha andaina lúdica farán unha. É unha carreira na que moitas persoas participantes adoitan acudir con disfraces, subliñando o ambiente festivo da mesma. Ao remate da carreira sorteranse unha serie de cestas de Nadal entre as persoas participantes.

A CABALGATA DOS REIS MAGOS VISITA CEDEIRA ESTE XOVES

O Concello de Cedeira ten programada a Cabalgata dos Reis Magos para este xoves, no formato tradicional de antes da pandemia. Así, desta volta non é necesario concertar unha cita con Melchor, Gaspar ou Baltasar, como se fixo nos últimos anos. As Súas Maxestades percorrerán a vila a partir das seis da tarde, saudando aos nenos e nenas, e irán a continuación ao Auditorio Municipal. Alí será a súa recepción oficial, na que as crianzas que o desexen poderán achegarse e entregarlles persoalmente as súas cartas. A axenda dos Magos de Oriente rematará cunha festa, con merenda e xogos, no colexio Nicolás do Río.

A cabalgata, cunha carroza para cada un dos Reis Magos, sairá ás 18.00 horas do colexio Nicolás do Río e fará un percorrido polo casco urbano, pasando polo Camiño Real da Madalena, a Avenida Castelao, a rúa Ezequiel López na zona vella, e Praza de Galicia e Avenida da Area, para rematar no Auditorio Municipal. Os nenos e nenas que o desexen poderán pasar ao interior e esperar a súa quenda para achegarse ao seu Rei favorito e expresarlle os seus desexos.

Unha vez que remate a recepción oficial, aproximadamente ás oito da tarde, comezará unha merenda nas instalacións do CEIP Nicolás do Río. Alí servirase chocolate quente con roscón de Reis ou bola, e haberá atraccións inchables para os máis pequenos.

Despois da adversa meteoroloxía destes días pasados, que obrigou a suspender a verbena programada para Ano Novo, desde o Concello prevén que non haxa sorpresas e que o encontro cos Magos de Oriente poida celebrarse sen problemas.

Carreira Popular de Nadal

Por outra banda, o Concello reprogramou para este sábado, día 7, a Carreira Popular de Nadal que tivo que ser adiada o pasado día 31. A cita lúdico-deportiva comezará na praza Roxa ás 16.00 horas, cun itinerario circular que pasará pola praza 18 de Decembro, o Camiño Real da Madalena, a rúa Salinas, a avenida de España e remate na praza Roxa. As persoas adultas realizarán dúas voltas ao trazado, mentres que as persoas que opten por facer unha andaina lúdica farán unha. É unha carreira na que moitas persoas participantes adoitan acudir con disfraces, subliñando o ambiente festivo da mesma. Os dorsais repartiranse despois das 15.00 horas, na mesma praza Roxa, onde tamén ao remate da carreira sorteranse unha serie de cestas de Nadal entre as persoas participantes.