Skip to content Skip to left sidebar Skip to footer

MOCIDADE

Convocado o premio Concepción Arenal 2017

CONVOCADO O PREMIO CONCEPCIÓN ARENAL 2017

Coa finalidade de promover políticas de igualdade e prevención da violencia de xénero na poboación infantil e adolescente, a Deputación da Coruña convoca un ano máis, o premio Concepción Arenal anualidade 2017 no marco das actividades con motivo da conmemoración do 25 de novembro do 2017 ” Día contra a violencia de xénero”, co obxecto de premiar o compromiso e implicación dos centros educativos públicos da provincia, que presenten un proxecto educativo que promova a igualdade entre homes e mulleres, levando a cabo medidas para a erradicación da violencia e encamiñadas á consecución da igualdade real.

O prazo de admisión de proxectos pecharase o 14 de novembro de 2017.

Pode consultar máis información nas seguintes ligazóns:

IR Á LIGAZÓN Tríptico informativo do Premio Concepción Arenal 2017

IR Á LIGAZÓN BOP nº 195 do 13 de outubro de 2017. Premio Concepción Arenal: proxectos educativos pola igualdade de xénero 2017

A ANPA do instituto cedeirense pon en marcha un amplo plan de formación para os alumnos

A ANPA DO INSTITUTO CEDEIRENSE PON EN MARCHA UN AMPLO PLAN DE FORMACIÓN PARA OS ALUMNOS

A ANPA O Beco, do IES Punta Candieira, puxo en marcha un amplo plan de formación para este curso, con dúas seccións. No apartado que denominan Aventúrate na creatividade, no que colabora a Deputación, inclúen actividades de robótica, drons, fotografía, gravado, efectos especiais, teatro, produción de cinema, jazz fusión, xadrez, televisión e vídeo, maquillaxe de fantasía e tapices en 3D. Vai dirixido a alumnos de ESO e Bacharelato. A sección de promoción sociolaboral, para rapaces a partir de 16 anos e adultos, oferta atención sociosanitaria a dependentes e enfermos de Alzheimer, primeiros auxilios, carretillas elevadoras, prevención de riscos laborais e fruticultura, entre outros. Informan e inscriben os martes, de 16.30 a 18 horas, na oficina.

Fonte: La Voz de Galicia
Pode consultar a nova na seguinte ligazón:
IR Á LIGAZÓN A ANPA do instituto cedeirense pon en marcha un amplo plan de formación para os alumnos

O taller de debuxo e pintura volve reunir este ano a 75 persoas que axudan a crear afección pola arte da representación gráfica

O TALLER DE DEBUXO E PINTURA VOLVE REUNIR ESTE ANO A 75 PERSOAS QUE AXUDAN A CREAR AFECCIÓN POLA ARTE DA REPRESENTACIÓN GRÁFICA

A vila de Cedeira pode presumir da súa afección á pintura, unha sona que ven de lonxe e que, en certo modo, está relacionada coas clases de debuxo e pintura que desde hai máis de vinte anos imparte Andrés Urrutia a nenos e adultos. Arredor dunhas 75 persoas toman parte nunha actividade promovida polo Concello que arrincaba o pasado mércores e que terá continuidade ao longo de todo o curso. Este ano as clases no colexio Nicolás del Río serán os venres, entre as catro e as seis da tarde. Hai máis dun grupo nesta actividade extraescolar. A idade dos alumnos oscila entre os catro e dez anos, en xeral. A inscrición se pode levar a cabo na mesma secretaría do centro.

O maior número de alumnos é o que acude de luns a xoves ao edificio municipal situado a carón da escola infantil, tamén coñecido como a sindical. Neste caso, as clases as hai tanto en horario de mañá como de tarde e a reserva de praza se pode levar a cabo a través do número de teléfono 650610 358.

O taller de debuxo e pintura tamén abre a posibilidade de participar a persoas que vivan fóra da vila. Así será este ano no caso dos veciños de Santalla e Montoxo. En Santalla as clases serán o mércores pola tarde e na parroquia de Montoxo, tamén pola tarde, pero os venres.

Andrés Urrutia considera que a afección que existe non é a que había cando el empezou a impartir clases, e que segue a medrar na medida en que a xente que participa pode ver ata onde pode chegar a súa creatividade.