Skip to content Skip to left sidebar Skip to footer

MEDIO AMBIENTE

Persiste o risco de derrubamento no acceso ao porto

PERSISTE O RISCO DE DERRUMBAMENTO NO ACCESO AO PORTO

El presidente de Portos visita hoxe a zona e o Concello avoga por tallar todos os eucaliptos da ladeira.

O perigo de novos derrubes no acceso ao porto de Cedeira persiste, polo estado do terreo, moi húmido tras meses de intensas choivas, ou as bolsas de auga dos depósitos situados na parte alta. Hai unha semana desprendeuse parte da ladeira, arrastrando varios eucaliptos, que atravesaron os dous carrís do viario e chegaron ata a praia, obrigando a cortar o tráfico e a regular a entrada e a saída á zona do peirao durante varias horas. O presidente de Portos de Galicia, José Juan Durán, ten previsto visitar hoxe a zona, tras confirmar que «polo menos parte» da superficie afectada pertence ao ente autónomo. Nun primeiro momento dubidaron, debido a que non aparece rexistrado como tal no Catastro.
No lugar onde se produciu o desprendemento erixíase unha antiga fábrica de conservas, da que aínda se conserva algún muro, que se abastecía de auga dos depósitos construídos na parte alta, dos que hoxe se fornecen as casetas dos mariñeiros situadas á dereita da entrada do peirao. Desde o pasado martes, estas construcións carecen de subministración de auga.
«Que se faga canto antes»
Técnicos de Portos desprazáronse o luns ata Cedeira para comprobar o estado do terreo e constataron o risco que implican os eucaliptos, con enormes cepellones. «Segue entrañando perigo», reiterou onte o alcalde, o socialista Pablo Moreda, que avoga por que se tallen todas as árbores e apontóese o noiro, ademais de plantar toxos ou outro tipo de vexetación que substitúa o eucaliptal. E pide «que se faga canto antes, sexan de quen sexan». Apunta que no seu día se debeu comprar ou expropiar este terreo para a construción da conserveira, co acordo de que os antigos propietarios puidesen comercializar a madeira. O derrube ocorrido á primeira hora da tarde do 27 de marzo non causou danos, pero si xerou alarma, por tratarse dunha zona con moito tráfico de vehículos e tamén moi frecuentada a pé, ao longo do paseo. No operativo interviñeron os Bombeiros de Ferrol, voluntarios da agrupación cedeirense de Protección Civil, que permaneceron de garda durante a noite do martes ao mércores para impedir o paso a calquera vehículo non relacionado coa actividade portuaria, e a Policía Local, que retomou a vixilancia pola mañá.
Os traballos de retirada das árbores que ocupaban a calzada axilizáronse e desde a tarde do mércores o viario quedou expedito. O acceso está libre, pero hai preocupación no Concello e en Portos polo estado da ladeira, dado que seguiu chovendo, agravando o risco de caída.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Persiste o risco de derrubamento no acceso ao porto

Cedeira estrea unha nova exposición sobre o consumo de enerxía na praza da Marieta

CEDEIRA ESTREA UNHA NOVA EXPOSICIÓN SOBRE O CONSUMO DE ENERXÍA NA PRAZA DA MARIETA

O Concello de Cedeira, a través da área de Medio Ambiente, volve facer uso da antiga oficina de turismo (praza da Marieta) para concienciar á veciñanza sobre como pode contribuír a reducir aqueles efectos que están a poñer en perigo a conservación da natureza. Nesta ocasión, trátase de chamar a atención sobre o consumo de enerxía na vivenda, no transporte e na escola a través da exposición de quince láminas e diversos comentarios a este respecto.

O titular da Concellería de Medio Ambiente, Camilo Casal, explicou que “o aforro e a eficiencia enerxética son, xunto coa utilización masiva de enerxías renovables (ou sexa, as non contaminantes), as TRES R (reducir, reutilizar e reciclar) e o uso do transporte colectivo, os piares nos que se asenta o novo modelo enerxético que está a nacer, destinado a combater o cambio climático”. Casal sitúa este problema entre os máis importantes aos que debe facer fronte a humanidade, “e no que xa estamos inmersos e que temos que tentar minimizar a toda costa, sobre todo os que vivimos nos países máis ricos do planeta, que somos os maiores responsables deste desaguisado”, asegura.

A mostra xa se pode visitar e ocupará este espazo expositivo da vila, polo menos, durante varias semanas máis.

DESCARGA PDF exposición sobre o consumo de enerxía

 

Recuperación da fonte da Area

RECUPERACIÓN DA FONTE DA AREA

Segundo algunha das persoas consultadas, a fonte da Area debe a súa existencia a unha donación feita a principios do século pasado pola familia Bellón, os antepasados dos sacerdotes Cesáreo e Manolo que exerceron o seu ministerio en parroquias do concello de Cedeira.

Ata ben entrados os anos cincuenta acudían a ela de maneira constante os habitantes da barriada para facer acopio de auga tanto para beber como para bañarse ou cociñar, dado que, como lembrarán os que xa non cumprirán os sesenta anos de vida, daquela non existían nin siquera as traídas de auga privadas que precederon á municipal da que hoxe disfrutan.

Polos motivos que sexa levaba sen funcionar bastante tempo. Diante da suxestión feita por varios veciñ@s de que lles gostaría vela operativa polo significado sentimental que para eles ten, o goberno local decide que ese desexo debe ser atendido e máis tendo en conta que a cuantía económica é mínima.

Postos a recuperala, consideramos que nos tempos que corren debe estar conectada á traída municipal para poder garantizar a potabilidade da auga, o que non se pode facer coa procedente de fontes ou mananciais privados

Camilo Casal
Concelleiro de Medio Ambiente