Skip to content Skip to left sidebar Skip to footer

CULTURA

O Castelo da Concepción recibiu a visita do Colexio Lestonnac

O CASTELO DA CONCEPCIÓN RECIBIU A VISITA DO COLEXIO LESTONNAC
O pasado martes 25 de setembro os alumnos de Secundaria do Colegio Lestonnac, en Ferrol, desfrutaron dunha xornada de convivencia en Cedeira, onde visitaron o Castelo da Concepción, a Punta Sarridal, co seu castro, e a Praia da Magdalena. Contamos cos catro cursos da ESO, 100 persoas en total, polo que foi necesario dividir o grupo en dous para un mellor disfrute do lugar. Podedes atopar máis imaxes da xornada completa na seguinte ligazón:
Na visita ao centro de interpretación do Castelo da Concepción, os nenos e nenas percorreron todo recinto coñecendo a súa historia e usos, para o cal fixeron varias paradas no antigo polvorín, nas salas expositivas e, sobre todo, na zona de combate onde fixemos uso dun canón do século XVIII cos proxectís orixinais e os instrumentos que facilitaban a carga do explosivo e a súa posterior limpeza.
Foi unha visita maravillosa, agardámosvos!
Recordamos que o Castelo da Concepción permanece aberto ao público de martes a domingo, con visita guiada ás 18:00 h todos os días.
A visita comentada para grupos pode ser concertada con antelación chamando á oficina de turismo de Cedeira no 607852338.
[lsvr_gallery_cpt gallery=”13983″ items_per_row=”3″]

O Concello de Cedeira convoca o primeiro certame gastronómico de tapas de outono

O CONCELLO DE CEDEIRA CONVOCA O PRIMEIRO CERTAME GASTRONÓMICO DE TAPAS DE OUTONO

O goberno de Cedeira, a través da Concellería de Cultura e Turismo, está a organizar o concurso gastronómico Tapas de Outono, que será a última fin de semana do presente mes e ao que se invitan a participar a todos os hostaleiros da vila que así o desexen. Os interesados só terán que poñerse en contacto coa organización.

Trátase da primeira edición dun certame pensado para exalzar os produtos locais de tempada ofrecendo a veciños e visitante a posibilidade de degustalos en consumición que se servirán a modo de tapa.

A concelleira de Cultura, María Xosé Rodríguez Pérez, adiantou así mesmo que a iniciativa terá como referencia o que cada ano se celebra para dar a coñecer a calidade e característica da merluza de volanta, polo que haberá premios para os gañadores e o prezo das consumicións será razoable.

Rodríguez Pérez destaca o bon nivel da gastronomía local e considera que a celebración deste tipo de certames contribúen a súa promoción, ademais de se convertir nun reclamo máis para visitar a vila de Cedeira.

O pleno vén de nomear ao catedrático Porto Dapena fillo adoptivo do Concello de Cedeira

O PLENO VÉN DE NOMEAR AO CATEDRÁTICO PORTO DAPENA FILLO ADOPTIVO DO CONCELLO DE CEDEIRA

O catedrático José Álvaro Porto Dapena vén de ser nomeado fillo adoptivo de Cedeira polo pleno que a corporación municipal celebrou onte, sendo esta a primeira vez que o Concello toma un acordo destas características. A decisión foi adoptada por unanimidade.

O goberno municipal xustifica o nomeamento, segundo a instrutora do asunto, a concelleira María Xosé Rodríguez López, “polo dilatado currículo académico de Álvaro Porto Dapena e polo seu amor polo pobo cedeirense, manifestado en innumerables ocasións, ben a través dos seus estudos, ben a través das súas charlas, ben a través do seu sorriso amable e amigo, que fai que o queiramos homenaxear como un veciño distinguido da nosa vila”.

A elección vital de vir vivir a Cedeira, así como a súa afabilidade e a súa boa disposición á hora de colaborar con entidades ou persoas en diferentes eventos socioculturais tamén son outros argumentos que, segundo os responsables municipais, fan de Porto Dapena valedor dunha distinción que se fará oficial coa celebración dun acto para o que se está a barallando varias datas.

José Álvaro Porto Dapena, nado na parroquia de San Xiao (Narón) en 1940 é filólogo e profesor universitario galego, ademais de membro da Real Academia Española de la Lengua. Porto Dapena licénciase en 1967 en Filoloxía Románica, acadando o doutoramento na Universidad Complutense de Madrid en 1972, onde traballa como docente ata 1997, ano no que se traslada a Galicia para facerse cargo da cátedra de Lengua Española da Universidade da Coruña.

Tamén traballou no Seminario de Lexicografía da Real Academia Española colaborando na elaboración do seu Diccionario Histórico e no Diccionario de construcción y régimen de R. J. Cuervo, onde redactou a meirande parte do tomo III. Participou con outros autores no “Diccionario Coruña de la lengua española actual: planta y muestra”, ao tempo que o dirixiu. É un bo coñecedor do galego -lingua á que tamén dedica algúns traballos, entre outros o estudo toponímico sobre o concello de Cedeira- e colaborador habitual no Diario de Ferrol, onde escribe todos os domingos un espazo titulado “Con nome propio” no que trata, preferentemente, a toponimia da comarca de Ferrol.