Skip to content Skip to left sidebar Skip to footer

A COMPAÑÍA CARRACHANACACHA REPRESENTA ESTE SÁBADO EN CEDEIRA A PEZA “A PENA DO CU DO MUNDO”

O Auditorio de Cedeira acolle esta fin de semana unha nova cita co I Ciclo de Teatro Afeccionado Fusa Guillén. Desta volta a peza seleccionada é “A pena do cu do mundo”, unha obra escrita e dirixida por Leandro Lamas para a compañía Carrachanacacha, parte da Asociación Aturuxo de Melpómene de Narón. A función será o sábado ás 20.00 horas, con entrada libre ata esgotar as localidades.

“A pena do cu do mundo” é unha comedia musical que conta a historia dunha peculiar familia, residente nunha aldea perdida, que ve ameazada a súa forma de vida cando a nova concelleira proxecta construír alí un parque temático.

A obra de Leandro Lamas é unha das tres que foron seleccionadas nesta primeira edición do certame de teatro amador adicado á figura de Fusa Guillén. O pasado día 9 iniciouse o ciclo coa representación de “Fatum” do grupo O Catre Teatro, e o vindeiro 22 rematará coa posta en escena de “Unha obra para un barrio”, da compañía da ASC Muíño do Vento.