Skip to content Skip to left sidebar Skip to footer

Os permisos para queimas poderán solicitarse de novo a partir deste luns

O Diario Oficial de Galicia (DOG) publica este venres unha resolución da Consellería do Medio Rural pola que se levanta, a partir do próximo luns, día 11 de maio, a suspensión de realizar queimas nos terreos rústicos decretada desde o pasado 16 de marzo.

Así, a partir deste próximo luns xa se poderán realizar de novo as comunicacións de queimas en terreos agrícolas e solicitar as autorizacións para terreos forestais, uns trámites que permanecían ata o de agora en suspenso por mor da emerxencia sanitaria provocada polo coronavirus.

Máis información na seguinte ligazón:

Descarga RESOLUCIÓN do 7 de maio de 2020 relativa ás queimas de restos agrícolas nos terreos rústicos, en cumprimento do Acordo do Centro de Coordinación Operativa da emerxencia sanitaria na Comunidade Autónoma de Galicia (Cecop) do 5 de maio de 2020.