O XVIII Festival de Habaneras de Cedeira será este sábado no Auditorio Municipal
O XVIII FESTIVAL DE HABANERAS DE CEDEIRA SERÁ ESTE SÁBADO NO AUDITORIO MUNICIPAL
O Concello de Cedeira colabora, xunto á Confraría de Pescadores e a Xunta de Galicia, na celebración do XVIII Festival de Habaneras que, organizado pola coral da terceira idade Estrelas do Mar, terá lugar este sábado no auditorio municipal.
A actividade dará comezo ás 20.30 horas e na mesma, ademais da agrupación organizadora, intervirán a coral polifónica Alborada, de Cabral (Vigo) e Armonía, de Ferrol.
Trátase de render tributo a un estilo musical que chegou coa emigración pero que xa forma parte do sentir musical de Galicia, segundo explicou a presidenta da coral local, Carmen Yáñez. A día de hoxe, un total de 32 voces están vinculadas á agrupación. “Eu son mariñeiro”, “Salió de Jamaica” e “Linda flor” son algúns dos temas que o sábado sonarán no auditorio municipal de Cedeira.