NOVAS

O Concello de Cedeira organiza un ano máis o Campamento de Verán, un programa esencial para que moitas familias poidan conciliar a vida laboral coas vacacións escolares dos pequenos e pequenas da casa. Haberá 50 prazas para menores nados entre 2012 e 2020, ambos incluídos, e o prazo de solicitude está aberto ata o vindeiro 19 de xuño, segundo as bases que están colgadas desde onte no taboleiro de anuncios da sede dixital, e pode realizarse en liña ou ben presencialmente no Rexistro Municipal.

O campamento desenvolverase, ao igual que en anos anteriores, nas instalacións do CEIP Nicolás do Río, de luns a venres, en horario de 09.00 a 14.00 horas, agás festivos, desde o 3 de xullo ata o 30 de agosto. Os menores poden inscribirse para unha quincena, un mes ou para os dous meses, e o prezo, respectivamente, é de 40, 60 e 100€.

Darase preferencia os nenos e nenas empadroadas en Cedeira e aqueles cuxos proxenitores traballen no municipio. Terase en conta tamén que ambos proxenitores –ou o que estea a cargo do menor en caso de familias monoparentais- acrediten unha relación laboral vixente en horario de mañá ou ben que están realizando algunha formación. Reservaranse 5 prazas para menores cunha discapacidade igual ou superior ao 33%.

Haberá sempre un mínimo de catro monitores e monitoras, que promoverán as actividades lúdicas adaptadas para as diferentes idades. O xogo será o elemento primordial ao longo do programa, no que haberá xornadas con inchables, deslizadores de auga, lasertag, karaoke, labirintos, gimkanas, obradoiros e unha gran variedade de propostas.

DESCARGAR PDF Bases de selección do campamento urbano de verán 2024 do Concello de Cedeira

Cedeira é un lugar no que as súas xentes acollen ao visitante, de tal forma, que este sempre decide volver. A Vila de Cedeira reune no seu territorio, entre outras cousas, os cantís de Vixía de Herbeira, os máis altos da Europa continental. Desde os seus 613m pode observarse a inmensidade do océano Atlántico, á vez que contemplamos Santo André de Teixido, segundo lugar de peregrinación de Galicia. Di a lenda que a Santo André de Teixido vai de morto quen non vai de vivo (irá de morto quen non vaia de vivo). Nas súas inmediacións atópase a praia de Teixedelo, única praia de area negra do mundo de orixe non volcánico, que forma parte do recentemente recoñecido pola UNESCO Xeoparque Ortegal.

Os habitantes de Cedeira dise que descenden de Lancelot, ou Lanzarote do Lago, noutras épocas alí pescábanse baleas, como o propio nome indica, Cedeira, vén de Cetaria (lugar onde os pescadores acurralaban a grandes cetáceos para pescalos). De Cedeira tamén podemos destacar a súa gastronomía, din os entendidos, que os de Cedeira son os mellores percebes do mundo, pero tamén o resto do marisco, peixes, ou carnes.

En Cedeira, tamén floreceron nos últimos anos importantes achados arqueolóxicos, no castro de Sarridal atopouse un Monumento con Forno, o que sería unha sauna castrexa, sendo o 5º atopado en toda Galicia, e o pasado ano os novos traballos de escavación atoparon unha forxa, sendo a única atopada en estado de conservación de toda Galicia.

Nas costas desta Villa, tamén perdeu a vida o actor Leslie Howard o 1 de xuño de 1943, cando viaxaba de Lisboa a Londres e un escuadrón alemá derriba o avión no que viaxaba.

Cedeira é un lugar máxico, ao que animamos a vir a todo o mundo, recomendándolles que aproveiten a viaxe non só para gozar das actividades científicas e sociais, senón que tamén poidan aproveitar uns días para coñecer esta preciosa localidade e os seus arredores, coa súa espectacular Costa Ártabra, Castelo de San Felipe e Cabo Prior en Ferrol, Punta Frouxeira en Valdoviño, Cabo Ortegal en Cariño, Cantís de Loiba (onde The Guardian dixo que se atopaba o banco máis bonito do mundo) en Ortigueira ou Estaca de Bares e o Porto do Barqueiro en Mañon, todos eles son lugares incribles, pouco coñecidos para o público xeral e que non deixarán a ninguén indiferente.

Todos estes alicientes unidos á parte científica, e a moitas outras cousas que estamos a preparar, farán que os asistentes comprendan que a viaxe ata alí non foi en balde e sen dúbida farán que repitan.

Esperámosvos no norte do norte!

As presentes bases teñen como obxecto establecer os criterios de selección para a participación no campamento municipal de verán do Concello de Cedeira, que se desenvolverá durante os meses de xullo e agosto para os/as menores nados entre os anos 2012 e 2020, ambos incluídos.

O campamento desenvolverase no CEIP Nicolás del Río dende o día 3 de xullo ata o 30 de agosto, exceptuando festivos. O horario será de 09:00 a 14:00 horas, de luns a venres.

O prazo de presentación de solicitudes será de 10 días hábiles a contar a partires do día seguinte ao da publicación das presentes bases no taboleiro de anuncios dixital.

As solicitudes deberán ser asinadas polo pai, nai ou titor legal do menor e presentaranse no Rexistro Xeral do Concello ou polos medios establecidos no artigos 14.1 e 16.4 da Lei 39/2015, do 1 de outubro, do procedemento administrativo común das administracións públicas.

Inscrición:

• En liña a través da sede electrónica do Concello.
• Presencial no rexistro municipal.

Na seguinte ligazón pode consultarse o texto íntegro das bases, descargar a ficha de inscrición e o modelo de autoliquidación: