Skip to content Skip to left sidebar Skip to footer

MOCIDADE

Samaín 2018

SAMAÍN 2018 PROGRAMA

Benvidos e benvidas á celebracion do XXIX Samaín. Outro ano máis estamos felices de compartir con vós esta tradición tan especial na nosa vila. Estas son as actividades que propoñemos para os próximos días. Agardámosvos!.

PREPARÁNDONOS PARA O SAMAÍN

29, 30, 31 de outubro

A Anpa Picapeixe e o Colexio Nicolás do Río abren as súas portas ao novo Samaín deste ano. Durante o luns, martes e mércores realizarán obradoiros e actividades para empezar a preparar a nosa festa e que sexa tan lucida coma sempre.
Patio do Colexio. 18:00 – 20:00 h
Obradoiros

ESCAPE ROOM

Como podemos escapar dunha habitación pechada resolvendo enigmas?
Sesións de mañá e tarde desde o 30 de outubro ata o 3 de novembro . Duración 45 min.
Xa está aberto o prazo para os equipos que queiran apuntarse neste novo xogo para adultos a través do email amigosdesamain@gmail.com. É preciso indicar un teléfono de contacto. Os equipos deben ter un mínimo de 3 persoas e un máximo de 5.
As prazas son limitadas, así que apuntádevos canto antes.

VÉSPERA DE SAMAÍN

VENRES 2 DE NOVEMBRO

Nas carpas do Paseo da Mariña
18:00 Obradoiro de zonchos e Obradoiro de pintura
20:00 Actuación de Paco Nogueira co espectáculo Bule, Bule

SÁBADO 3 DE NOVEMBRO
Nas carpas do Paseo da Mariña

Pola mañá:

  • Organización e preparación da festa
  • Decoración do paseo
  • Inscrición dos grupos da Gimkana (12:30 e 13:30 h)

Pola tarde:

  • 17:00 Recollida e inscricións para o concurso de melóns tallados
  • 17:00 Merendola de outono, requeixo con mel e bola de azucre
  • 17:00 Inicio da Gimkana infantil
  • 17:30 Obradoiro de maquillaxe
  • 20:00 Pasarrúas pola Vila Vella
  • 20:30 Entrega de premios para as mellores cabazas presentadas e para os gañadores da Gimkana Infantil

E PARA REMATAR…
Domingo 4 de novembro no Auditorio Municipal. 18:00 h.
Patapatum
Representación infantil realizada pola compañía Elefante Elegante. Rede Galega de Teatros e Auditorios. Entrada: 2,5 €

Organiza: Concello de Cedeira
Colaboran: Asociación Amigos de Samaín, ANPA Picapeixe do CEIP Nicolás del Río, CEIP Nicolás del Río, Deputación da Coruña, AGADIC, Veciños e Veciñas de Cedeira.

O Castelo da Concepción recibiu a visita do Colexio Lestonnac

O CASTELO DA CONCEPCIÓN RECIBIU A VISITA DO COLEXIO LESTONNAC
O pasado martes 25 de setembro os alumnos de Secundaria do Colegio Lestonnac, en Ferrol, desfrutaron dunha xornada de convivencia en Cedeira, onde visitaron o Castelo da Concepción, a Punta Sarridal, co seu castro, e a Praia da Magdalena. Contamos cos catro cursos da ESO, 100 persoas en total, polo que foi necesario dividir o grupo en dous para un mellor disfrute do lugar. Podedes atopar máis imaxes da xornada completa na seguinte ligazón:
Na visita ao centro de interpretación do Castelo da Concepción, os nenos e nenas percorreron todo recinto coñecendo a súa historia e usos, para o cal fixeron varias paradas no antigo polvorín, nas salas expositivas e, sobre todo, na zona de combate onde fixemos uso dun canón do século XVIII cos proxectís orixinais e os instrumentos que facilitaban a carga do explosivo e a súa posterior limpeza.
Foi unha visita maravillosa, agardámosvos!
Recordamos que o Castelo da Concepción permanece aberto ao público de martes a domingo, con visita guiada ás 18:00 h todos os días.
A visita comentada para grupos pode ser concertada con antelación chamando á oficina de turismo de Cedeira no 607852338.
[lsvr_gallery_cpt gallery=”13983″ items_per_row=”3″]

O concello oferta durante este mes de outubro dous obradoiros gratuítos, un de produción audiovisual e outro de guión

O CONCELLO OFERTA DURANTE ESTE MES DE OUTUBRO DOUS OBRADOIROS GRATUÍTOS, UN DE PRODUCCIÓN AUDIOVISUAL E OUTRO DE GUIÓN

Os obradoiros son orientados á mocidade (maiores de 13 anos). Grupos de 15 persoas como máximo.

Estos obradoiros chegan da man do Samain.

Logo da boa acollida que tivo o ano pasado o concurso de curtas, desde o concello tentamos achegar o audiovisual á mocidade e axudarlle a entendelo e procesalo, proporcionándolle as ferramentas necesarias para desenvolver unha produción audiovisual, pequena ou grande, cos medios cos que contemos e facilitando recursos teóricos e prácticos para realizar proxectos audiovisuais.