CULTURA

Aberto o prazo de matrícula na escola de música Pro-Cedeira

ABERTO O PRAZO DE MATRÍCULA NA ESCOLA DE MÚSICA PRO-CEDEIRA

A Asociación Cultural Pro-Cedeira vén de abrir o prazo para a matrícula na escola de música, do 7 ao 18 de setembro en horario de 17.00 h a 19.00 horas no Escolar de Piñeiro (matrícula gratuita)

Impartiranse entre outras, as seguintes especialidades: solfeo, percusión, guitarra clásica, guitarra eléctrica, canto, saxofón, laud, mandolina, bandurria, trompeta, bombardino, grupo de cuerda, grupo de rock, piano, e moito máis.

Desde a asociación chaman a todos os interesados e interesadas a divertirse aprendendo música e poder formar parte da banda de música, Big-Band, Rondalla e Coro da asocación.

Cedeira recupera o programa Cantos e contos ao solpor con Quico Cadaval e Black Acoustic

CEDEIRA RECUPERA O PROGRAMA CANTOS E CONTOS AO SOLPOR CON QUICO CADAVAL E BLACK ACOUSTIC

O programa Cantos e contos ao solpor recupera a súa presenza dentro da vida cultural da vila con dúas novas citas previstas para os días 15 e 22 do presente mes de setembro. Nas dúas ocasións a praza do Concello será a referencia para asistir a uns concertos que darán comezo ás oito da tarde.

A programación arrincará este sábado (día 15) coa actuación de Black Acoustic, grupo musical que interpreta música soul, redescubrindo grandes clásicos como Aretha Franklin e Stevie Wonder, entre outros. O dúo está formada por Iria Mejuto na voz e Richi Rozas na guitarra.

A actuación do sábado día 22 correrá a cargo de Quico Cadaval, actor, director e narrador galego, ademais de impulsor do movimiento de radioteatros xurdido en Galicia na década dos noventa. Tamén é o autor de textos como “O códice clandestino”, “O rouxinol de Bretaña” para la compañía O Moucho Clerk, e “Espantoso”, premio María Casares ao mellor texto orixinal na edición do ano 2002.

Cedeira despide agosto cun festival de habaneras e polifonía

CEDEIRA DESPIDE AGOSTO CUN FESTIVAL DE HABANERAS E POLIFONÍA

A vila de Cedeira pecha o mes de agosto cun festival de habaneras e polifonía. Será o próximo venres, día 31, e terá como escenario a praza Roxa.

Un total de seis agrupacións musicais participarán unha actividade organizada polo Concello, e a intención é mantela cara aos seguintes veráns.

A Coral Estrela do Mar (Cedeira), o Coro Espasante (Ortigueira), a Coral Eixil (Cedeira), o Coro Son de Celeiro (Viveiro), o Coro Herbeira (Cedeira) e Rondalla de Cedeira amenizarán unha velada na que se poderán escoitar algúns dos máis coñecidos temas da música coral e caribeña.

O inicio do festival está programado para as oito da tarde.