CULTURA

O goberno de Cedeira invita a visitar a exposición que, a partir de hoxe, estará aberta ao público no Palacete municipal e na que se están a mostrar as obras gañadoras do Certame de Pintura Rápida “Vila de Cedeira”.

Trátase dun total de doce pinturas nas que se recollen algúns dos lugares máis característicos e pintorescos da vila. Cedeira foi pioneira na organización dunha convocatoria que este ano chegou a súa cuarta edición. Nela tomaron parte un total de 14 artistas e Andrés Gabarres Cagiao foi o primeiro clasificado cunha pintura da praza da Rectoral.

A mostra pódese ver de luns a venres en horario de 9.00 h a 14.30 horas, e os sábados de 10.00 h a 14.00 horas.

SUBVENCIÓNS PARA COMISIÓNS DE FESTAS DAS PARROQUIAS

O Concello destina 4.000 euros a subvencións para comisións de festas parroquiais. Estes colectivos teñen 15 días de prazo (contados desde o 2 de novembro) para solicitar a súa axuda, que poderá cubrir a totalidade do gasto proposto, sen pasar o tope de 400 euros por entidade. No «Boletín Oficial da Provincia» do día publicáronse as bases.

Fonte: La Voz de Galicia

Pode consultar a nova na seguinte ligazón:

IR Á LIGAZÓN Subvencións para comisións de festas das parroquias

O AMANEXO FOI O LOCAL GAÑADOR DO PRIMEIRO CONCURSO DE TAPAS DE OUTONO DO CONCELLO DE CEDEIRA

O Amanexo Gastrobar, nun negocio de hostalería que Miguel López López abreu hai un ano na praza de Galicia, foi o gañador do primeiro concurso de Tapas de Outoño de Cedeira co aperitivo “Chicarrón de codillo de cerdo”.

Miguel López considerou que nas diferentes texturas do prato estivo a clave para facerse cun certame no que tomaron parte dazaseis locais da localidade. A tapa gañadora obtivo 155 votos dos 456 emitidos nun total das 253 tarxetas recollidas durante os dous días que durou a convocatoria.

O Mesón foi o segundo clasificado, cun total de 151 votos e a tapa denominada “Delicias de Temporada”, mentres que A Taberna do Jojó, coa proposta “Barquita de parmesano rellena de setas”, quedou terceira cun total de 150 votos.

A entrega de premios tivo lugar onte e contou coa presenza das concelleiras de Cultura e Servizos Sociais, María Xosé Rodríguez Pérez e Manuela López, respectivamente, que valoraron a implicación do sector da hostalería nesta primeira edición do certame, así como a magnífica presentación e calidade das tapas presentadas.

Diana López Pérez foi a gañadora da cea para dúas persoas no Amanexo.