CULTURA

A Confraría de Pescadores de Cedeira ultimaba esta mesma mañá a compra da materia prima da que, segundo o que sucedeu en anos anteriores, van dar conta mañá e pasado máis de dúas mil persoas na XX Festa do Percebe. As racións do produto estrela serviranse a 15€ (uns 300gr), e ao mesmo prezo serán as de polbo á feira. Tamén haberá empanada a 6€ -no prezo van dúas racións, unha da empanada de berberechos e outra da de liscos-. É o evento que encabeza o cartel dunha fin de semana na que a vila de Cedeira acolle multitude de actividades: as festas patronais de San Román, atraccións inchables ao pé da praia Area Longa, o festival Discalz@s, o Certame de Bandas de Música e dous eventos deportivos que tamén levarán centos de persoas ata Cedeira, a proba do Circuíto Nacional de Volei Praia e a Travesía a Nado.

A carga da Festa do Percebe estará na zona do porto, como é habitual, xunto coa billeteira na que se poderán comprar os tickets para a degustación. A ventanilla abrirá un pouco antes das doce do mediodía e as racións serviranse de xeito ininterrompido, o sábado e o domingo, desde as 12.00 ás 17.00h. Xunto coas racións nomeadas, haberá bebidas –a 2€ a caña de cerveza e os refrescos e a 13€ a botella de alvariño Valmiñor). A Confraría, que conta un ano máis co apoio do Concello para a celebración do evento, despachará 500 quilos de percebe e outros tantos de polbo, ata esgotar existencias.

Reforzando a oferta lúdica da fin de semana, o Concello de Cedeira ofrecerá na tarde do domingo, de catro a seis da tarde, varias atraccións hinchables acuáticas e terrestres na praia de Area Longa, xunto con kayaks, que poderá empregar o público de xeito gratuíto, por orde de chegada e segundo as instrucións dos monitores que estarán no areal.

A parroquia de San Román celebra tamén as súas festas patronais o sábado e o domingo. O primeiro día haberá sesión vermú a cargo do Trío Antha, partido de solteros contra casados ás 19.30h e verbena nocturna con Antha e a Orquestra Origen. O domingo celebrarase misa e procesión, seguidas dunha exhibición da Street Dance School. A sesión vermú contará co Trío Manhatan e a verbena final estará amenizada polo DJ residente da Sala Coliseo, Brunookavvi.

Este sábado chega tamén unha nova edición de Discalz@s polo Festival, un evento que gusta de ofrecer variedade de estilos e moi bo ambiente. O programa condénsase en dúas sesión, a vermú, que contará a partir das 12.45h con Pastelón de Ferreñas e Quinkillada, e a nocturna, na que se sucederán a partir das 22.00h os grupos InLogic, Fillas de Cassandra, Familia Caamagno e TanDuB. O festival será na praza do Floreal, con entrada gratuíta.
No mesmo lugar, a praza de Floreal, desenvolverase o domingo o XX Certame de Bandas de Música “Vila de Cedeira”, a partir das 18.30h. Actuarán, xunto coa formación anfitroa, as bandas de Visantoña (Santiso, A Coruña) e Lourenzá (Lugo).

No eido deportivo, dúas citas importantes. Por unha banda, desenvolverase desde o venres ata o domingo en xornadas de mañá e tarde, no areal da Madalena, unha proba de dúas estrelas do Circuíto Nacional de Volei Praia, puntuable para o campeonato nacional. Participarán na mesma as 24 mellores parellas femininas e outras tantas masculinas, procedentes de toda España, e as probas garantirán ao público un espectáculo deportivo de gran nivel. As finais serán o domingo pola tarde, a partir das catro e das cinco.

Por outra banda, este domingo a partir das 18.30h, máis de 150 nadadoras e nadadores de toda Galicia participarán na vixesimoquinta Travesía a Nado Ría de Cedeira. Haberá cinco categorías segundo a idade (promesas, benxamíns, alevíns, infantil e absoluta), que farán un percorrido entre 50 e 1500 metros. Nas categorías absolutas os premios serán económicos para as primeiras posicións, e trofeos e medallas nas outras categorías.

As inscricións están abertas ata o mesmo día da proba. Para anotarse é preciso chamar ou mandar Whatsapp ao 652 21 48 33 e cubrir un formulario. Participarán deportistas de gran relevancia na comarca, como Inés Santiago ou os locais, Damián Suárez, Samuel Sánchez ou Juan Piñón.

O Concello de Cedeira celebrará do 11 ao 17 de agosto as súas Festas da Patroa cun programa cheo de actividades de lecer e moita música que animará todavía máis o sempre bulideiro verán na localidade e ofrecerá diversión para todos os públicos. No cartel destacan as verbenas, que estarán amenizadas por diferentes orquestras, e o concerto que compartirán Mercedes Peón e Mondra –Martín Mondragón- na noite do 16 de agosto, véspera da tradicional Xira a San Antón de Corveiro.

O pregón das festas, que correrá a cargo de responsables da asociación Apader, abrirá oficialmente o programa o día 11 de agosto, venres, ás 20.00h. O Concello cédelle un ano máis o protagonismo ao tecido asociativo da localidade, neste caso a unha entidade que leva 45 anos de traballo a prol das persoas con discapacidade intelectual. Nesa mesma xornada do 11 de agosto terá lugar, a partir das 17.00h, unha nova edición da carreira popular, un evento deportivo e fundamentalmente lúdico ao que adoitan acudir centos de persoas de todas as idades. Tras o pregón chegará o “Entroido de Verán” á praza Roxa, na que a partir das 22.30h haberá unha festa da escuma amenizada pola disco móvil EME Music.

O 12 de agosto terá lugar a primeira verbena, a cargo da Orquestra Furia Joven. Será a partir das 23.00h na praza Roxa.

A Banda de Gaitas de Ortigueira amenizará ao día seguinte, o 13 de agosto, un pasarrúas e unha sesión vermú na praza Roxa. Pola tarde, a partir das 16.00h, desenvolveranse xogos populares no paseo da Mariña e pola noite, ás 22.30h, comezará unha nova verbena na praza Roxa, desta volta a cargo da orquestra Os Satélites.

Para o 14 de agosto o programa de festas comezará co espectáculo de rúa itinerante “A Danza dos Paxaros”, da compañía Urdime. Os grupos musicais Atenas e Galia amenizarán a noite deste luns, a partir das 22.30h na praza Roxa.

O programa para o festivo do 15 de agosto comezará coa misa cantada pola coral Virxe do Mar e unha sesión vermú na praza Roxa, a partir das 13.00h, a cargo da Banda de Música Vila de Cedeira. Pola tarde, ás 20.00h na praza Floreal, ofrecerase ao público familiar o espectáculo “Glamping” de circo e danza. Desde ese mismo lugar partirá, sobre as 21.00h, un pasarrúas da fanfarria Taquicardia. De novo pola noite haberá verbena, a partir das 22.30h, e no escenario da praza Rosa actuarán a Orquesta Fania Blanco Show e o Grupo Claxxon. O concerto deterase á medianoite para o lanzamento dos tradicionais fogos de artificio.

A misa e a procesión marítima abrirán o programa do día 16 de agosto, a partir das 11.00 horas. Pola tarde, ás 20.00h a praza Floreal volverá a acoller un espectáculo de circo e danza para o público familiar. Trátase de “Kaldi”, producida por Maintomano. A atención volverá á praza Roxa

pola noite, a partir das 23.00 horas. Subirá ao escenario Mercedes Peón, que está de xira co seu espectáculo “Ingrávida”, celebración de dúas décadas de traxectoria musical e repaso dos temas que compuxo para os seus cinco discos. E tamén actuará Mondra –o nome artístico de Martín Mondragón-, un mozo de Teo que se perfila como a nova estrela do “trad”, un xénero musical que bebe da música tradicional galega para convertila nun son actual.

O programa de festas tocará ao seu fin o 17 de agosto coa tradicional Xira en San Antón de Corveiro, unha romería que adoita ten unha afluencia masica da xente de Cedeira, visitantes e veciñanza da contorna. Pola noite, xa de volta á vila, a orquestra Foliada D’ases amenizará a última verbena, ás 22.30h na praza Roxa.