COROS DE GALICIA E ASTURIAS PARTICIPARÁN NA XXXIII EDICIÓN DO FESTIVAL DE CORAIS “VILA DE CEDEIRA”

A Sociedade Artística Eixil organiza outro ano máis xunto coa colaboración do Concello o XXXIII Festival de Corais “Vila de Cedeira”. O evento musical, que é gratuíto, celebrarase este sábado, 8 de xullo, ás 20 horas no Auditorio Municipal (r/ María Mediadora, esquina rúa Convento).

No acto participarán diferentes coros de Galicia e Asturias, como a Coral Alecrín de Brión (Ferrol), a Coral Virxe da Barca (Muxía), o Coro Xorrecer de Valdesoto (Sieiro, Asturias) e a propia coral da entidade organizadora do festival, a Coral Eixil (Cedeira). Cada agrupación interpretará un total de catro cancións.