Skip to content Skip to left sidebar Skip to footer

NOVAS

O CONCELLO PROXECTA A MELLORA E INTEGRACIÓN PAISAXÍSTICA DOS ESPAZOS AXARDINADOS DO PALACETE

O goberno local de Cedeira proxecta unha actuación nos espazos axardinados do Palacete, o inmoble municipal que alberga a Oficina de Turismo e a exposición permanente da Colección Rafael Usero, para a súa mellora e integración paisaxística. O Concello está a tramitar as axudas do Fondo de Compensación Ambiental para abordar esta actuación, orzamentada en 44.994,72€, e tamén a compra de 30 novas papeleiras que se instalarán na mesma zona cun custo de 2.178€. A mesma convocatoria servirá para a contratación de cinco peóns e un técnico de Medio Ambiente durante tres meses.

As zonas verdes que están no recinto do Palacete suman unha superficie de 927 metros cadrados. A actuación vai substituír as actuáis plantas, en mal estado, por novos arbustos e árbores. Previamente vaise preparar o terreo para instalar un sistema de rego e tepe, así como unha malla antiherbas e corteza de piñeiro que facilitarán o mantemento destes espazos. Instalarase tamén un bordillo de adoquín de cemento separando o linde entre os macizos e o céspede. Na mesma actuación incluirase a devandita compra e instalación de 30 papeleiras.

O Fondo de Compensación Ambiental, que convoca a Xunta cada ano para actuacións de investimento e xeradoras de emprego ligadas ao coidado do espazo natural, será empregado pola administración local de Cedeira para a rexeneración deste espazo verde, na contorna da Oficina de Turismo, e para a contratación de seis peroas durante tres meses –cinco peóns e un técnico de Medio Ambiente-. O investimento ten un orzamento de 47.172,72€ e os custos laboráis suman 41.484,6€.

O CONCELLO DE CEDEIRA TRAMITA VARIAS AXUDAS PARA A CONTRATACIÓN DE 13 PERSOAS DESEMPREGADAS

A Xunta de Goberno de Cedeira aprobou recentemente a solicitude de varias axudas, en convocatorias artelladas por diferentes consellerías, para a contratación de persoas desempregadas. En total, dichas subvencións traduciranse en 13 empregos, con duracións que van dos 3 aos 9 meses, e cun custo laboral total de 122.567,7€.

Un dos programas aos que se vai acoller o Concello de Cedeira é o APROL Rural, da Consellería de Traballo, para a contración de dous peóns de limpeza de montes. A previsión é contratalos durante nove meses a tempo completo. A axuda cubrirá o custo laboral total, que ascende a 37.377,36€.

Tamén tramitou o Concello de Cedeira as subvencións que xestiona a Consellería de Promoción do Emprego e Igualdade para a contratación de persoas perceptora da Risga (Renta de Inclusión Social de Galicia). Darase emprego durante nove meses a cinco persoas –tres peóns e dous limpador/as- co 75% da xornada, que se ocuparán de tarefas de mantemento e revalorización de zonas públicas. O importe da axuda ascenderá a 69.454,62€.

Con cargo ao Fondo de Compensación Ambiental poderá facer o Concello de Cedeira outras seis contratacións. Neste caso os empregos serán de tres meses, para cinco peóns e un técnico de Medio Ambiente. Os custos laborais ascenden a 41.484,6€. No marco desta mesma convocatoria o Concello solicita tamén outros 47.172,72€ para a compra de 30 novas papeleiras e para un proxecto de mellora e integración paisaxística dos espazos verdes da Oficina de Turismo.

O CLIA COMEZA A TRABALLAR PRIORIZANDO E TRASLADANDO VARIAS PROPOSTAS AO GOBERNO MUNICIPAL

O Consello Local da Infancia e a Adolescencia de Cedeira, constituido a finais do pasado ano, está xa a traballar para cumprir co seu obxectivo de ser un espazo de reflexión e debate sobre a realidade do municipio e ter un papel activo como órgano consultivo que é para o goberno municipal. Nas súas primeiras reunións, os 30 nenos e nenas e mozos e mozas que integran o CLIA decidiron o seu nome, “Ondiñas da vila” e acordaron dar prioridade a tres das liñas de traballo que están contempladas no Plan de Infancia e Adolescencia de Cedeira.

Así, a promoción da Saúde mental entre os menores, a organización de obradoiros sobre sexualidade para alumnado do IES Punta Candieira e a participación do CLIA como grupo asesor da programación de actividades culturais e deportivas son as cuestións sobre as que o consello decidiu focalizar os seus primeiros esforzos e que xa ten trasladado ás diferentes concellerías do goberno municipal. Decidiuse isto despois dunhas reunión mantidas, a finais de febreiro, con representantes do CEIP Nicolás do Río e o IES Punta Candieira.

Outras cuestións que tamén están no Plan de Infancia de Cedeira e nas que o CLIA ten previsto traballar son a organización de xornadas de limpeza nas praias, unha campaña para previr a violencia sexual e ofrecer información sobre os recursos nesta materia, a instalación dun merendoiro en San Isidro, o autocine de verán e unha programación de cine no Auditorio. Igualmente, xunto co nome, o CLIA traballa no deseño dun logo que o identifique.