Skip to content Skip to left sidebar Skip to footer

O CONCELLO DE CEDEIRA AVANZA NA IMPLANTACIÓN DA ADMINISTRACIÓN ELECTRÓNICA

O Boletín Oficial da Provincia publica na súa edición de onte a resolución da Alcaldía de Cedeira coa aprobación do selo electrónico para as actuacións administrativas automatizadas. Segundo explicou o alcalde, Pablo Diego Moreda Gil, trátase dun sistema de firma electrónica que permite autenticar unha actuación administrativa e que vai servir, na práctica, para que a cidadanía poida completar máis trámites en liña.

Así, o selo electrónico vai servir para obter directamente a través da web documentación autenticada polo Concello de Cedeira, sen necesidade de enviar unha solicitude que despois teña que xestionar a administración local. Empregarase en procedementos como a expedición de certificados de empadroamento, que xa estarán así totalmente automatizados e non precisarán da intervención dos funcionarios públicos.

O procedemento servirá en xeral para todas as actuacións administrativas que se vaian incorporando, e de xeito específico, para a expedición de certificados e de volantes de empadroamento, de recibos de presentación no rexistro electrónico da Administración e para o foliado automático de expedientes electrónicos.