Teatro ‘Alma de tigre’ de Elefante Elegante

Sábado 13 de maio ás 20.30 h. no Auditorio Municipal.
Teatro adultxs.
Entrada 2’5 € .
Reserva anticipada desde o martes 9 até o venres 12 no whatsapp 649876614.

ALMA DE TIGRE é unha ensoñación revelada a partir da historia real de tres irmáns. A memoria, os afectos, a herdanza e o futuro dan corpo á nova creación orixinal do Elefante Elegante que aborda a temática das relacións familiares.

Alma de Tigre evoca a historia duhna familia encerrada nunha casa estartalada a través de cuxas fendas vanse filtrando os segredos do pasado e dunha herdanza envelenada. Os personaxes revélanse contra un mundo do que xa non poden fuxir. Unha nai autoritaria e controladora. Un pai débil e sen coraxe que deixou aos seus fillos nunha situación de desamparo. Á morte da nai, o fillo e as dúas fillas reencóntranse na casa familiar para decidir a súa venda e qué facer coa herdanza. Mais a casa resístese a deixalos marchar.

A través da relación da música co movemento e a interacción cos elementos da escenografía, vanse revelando tódolos segredos dunha posta en escena que se fundamenta na dinámica plástica da narrativa teatral. O absurdo, o ridículo e o poderoso efecto cómico das situacións creadas agochan o fondo tráxico que a realidade humana transporta en si mesma.

ALMA DE TIGRE transita entre as artes visuais, a danza e o cinema mudo. O espectáculo materialízase en forma de pintura viva inspirada en autores tan diversos como Gustav Klimt, Sandro Botticelli ou Caravaggio.

ALMA DE TIGRE crea repetidos momentos de fantasía e ilusión contrapesados coa súa deriva grotesca, partindo do principio de que a vida é un soño que pode facilmente transformarse en pesadelo.

Creación, Escenografía e Dirección de escena Gonçalo Guerreiro Dirección Artística María Torres e Gonçalo Guerreiro Elenco Julia Laport, María Torres, Pablo Sánchez e Mario Rodríguez
Produción Artística e Deseño Gráfico Carolina Díguele Deseño de Iluminación Nacho Martín
Vestiario Diego Valeiras Espazo Sonoro Manuel Fonte
Coreografías Sabela Domínguez, Gonçalo Guerreiro e Julia Laport