Samain Cedeira 2022

VENRES 28 DE OUTUBRO

Carpas no Paseo da Mariña

Ás 17.00 h. comezaremos as nosas actividades

• Obradoiro de zonchos
  Fame non imos pasar cos nosos rosarios de zonchos ben fiados. Unha entretida e gastronómica actividade!
• Obradoiro de pintura

20.00 h. Carmen Conde presenta “Quen ten cu ten medo”
Nesta sesión dunha hora, para rapazada a partir de 6 anos, a meiga abrirá as portas da súa casa para impartir un “Cursiño de prevención de medos”, con cinco partes teóricas e cinco partes prácticas.

Na parte teórica, exploraremos cinco seres mitolóxicos da cultura popular galega, a Santa Compaña, o Lobishome, a Meiga Chuchona, o Tardo e o Gatipedro, a través da narración oral. Cinco contos que ofrecerán todas as pistas para enfrontarse despois á parte práctica: cinco xogos para levar a cabo todos aqueles antídotos contra o mal escoitados nas historias.