Novo e espectacular vídeo de Cedeira (con música de Guadi Galego)
NOVO E ESPECTACULAR VÍDEO DE CEDEIRA (CON MÚSICA DE GUADI GALEGO)
Novo vídeo de Cedeira, con impresionantes imaxes e coa música de fondo de Guadi Galego e o seu tema “Cedeira”.
NOVAS
Manifesto institucional
MANIFESTO INSTITUCIONAL
Bon día a todas e a todos!
E grazas por virdes conmemorar o día de Galicia, o día da nosa terra, a nosa terra mai, o Día da Matria Galega.
Como cada ano, este é un momento de reivindicación, pero tamén é un momento de encontro, un momento para compartir valores e darlles visibilidade. Hai tantos xeitos de sentir a galeguidade como habitantes ten o país. Cada quen ten a súa maneira, pero todas teñen algo en común: o amor pola nosa terra, pola nosa cultura, polo noso idioma.
Neste mundo globalizado en que vivimos temos a sorte de podérmonos achegar ás manifestacións culturais e artísiticas de pobos próximos e remotos. Isto supón unha posibilidade de enriquecemento que ata o de agora era descoñecida para a humanidade. Pero tamén supón unha enorme responsabilidade para nós.
Debemos ser fortes para non nos diluír no mare magnum da globalización. Debemos cultivar e conservar o noso patrimonio, material e inmaterial, non só para que outros pobos poidan achegarse a nós e coñecelo, senón tamén para deixármolo en herdanza ás nosas futuras xeracións.
Somos un pobo antigo, un pobo milenario, de bon talante e bon xantar, marcado pola beleza da nosa paisaxe e o peso da nosa historia. Por iso, coa forza da nosa lingua, desde este cantiño do mundo, queremos facer un chamamento á unidade. Para que o noso pobo viva mil primaveras máis, para que o noso pobo perdure sendo máis xusto, máis libre, máis solidario e máis galego.
Viva Cedeira!
Viva Galicia!
Moitas grazas.
Concentración na Praza do Concello
CONCENTRACIÓN NA PRAZA DO CONCELLO
Hoxe ás 12 na Praza do Concello haberá unha concentración para manifestar a repulsa ante o asesinato por violencia de xénero dunha muller onte na Coruña.