NOVAS

As dificultades de convivencia, entre o gando que pasta libremente pola Serra e as persoas visitantes, é unha problemática que se vén detectando co aumento da afluencia turística. Como medida preventiva, e co fin de mellorar esta convivencia, desde o concello ofrécense uns consellos básicos para persoas non acostumadas á vida no rural, que descoñecen os comportamentos dos animais en liberdade.

Non debemos esquecer que a Serra da Capelada é un espazo de actividade gandeira e debemos respetar tanto aos animais como as actividades que nela teñen lugar.

Polo ben dos animais e das persoas, rógase non molestar ao gando ni aos cans gardiáns, deste xeito evitaranse posibles incidentes que poden presentar un dobre perigo, tanto para as persoas como para os propios animais. Por un lado os animais ao sentirse atacados poden defenderse e danar ás persoas ,e por outro, poden sentirse asustados e fuxir, extraviándose ou resultando feridos.

Agradécese a colaboración de todas as persoas co fin de lograr unha boa relación entre o turismo e o respecto polo medio e actividades que nel se desenvolven.

O Concello de Cedeira acaba de publicar no Boletín Oficial da Provincia o anuncio das bases reguladoras que rexirán a contratación de catro socorristas para prestar o servizo de vixilancia, rescate e salvamento nas praias da Madalena e Area Longa. As persoas interesadas teñen cinco días hábiles, ata o vindeiro venres, para presentar as súas solicitudes.

Os/as catro socorristas serán contratados durante dous meses, con xornada completa. Deberán contar co título Celga 3 de galego e estar inscritos/as no Rexistro Profesional de Socorrismo, Información e Primeiros Auxilios de Galicia e a selección realizarase a través dunha proba tipo test e unha entrevista personal. No anuncio publicado onte no BOP está a solicitude que as persoas interesadas deben cubrir para presentarse ao proceso.

Aquí esta a primeira memoria de ocio e tempo libre do verán de Cedeira, que pretende recoller todos os eventos, actividades, charlas, formacións e dinámicas que se fagan nos meses de xuño, xullo e agosto na nosa Vila.

Esta memoria irase actualizando co paso do verán polo que, convidámosvos a que gardedes este enlace para non perder nada!! Se eres parte dunha entidade tanto pública como privada, e non vedes o voso evento nestas páxinas, mandade unha mensaxe a través do correo (coxcedeira@gmail.com) para poner engadir a información.

Aproveitade esta oportunidade para ter: o verán da vosa man!

Descarga PDF O verán da tua man