Encontro de menores non competitivo dirixido a deportistas con licenza vixente FEGATRI a partir de 6 anos cumplidos.
Inscricións:
Inscrición gratuíta.
Ata o martes 18 de Maio de 2021
A inscrición realizarase on-line, a través da web da Federación Galega de Tríatlon www.fegatri.org, no apartado Regulamentos/inscricións
Descarga o regulamento na seguinte ligazón:
O BOP ven de publicar o anuncio da resolución do acordo adoptado pola Xunta de Goberno Local o día 04 de maio de 2021, pola que se convocan as subvencións destinadas a entidades e asociacións deportivas de ámbito municipal de Cedeira para o ano 2021.
O obxecto desta convocatoria é a promoción e impulso de actividades deportivas coa finalidade de fomentar un uso activo e creativo do ocio.
As presentes bases terán como finalidade apoiar e mellorar a práctica deportiva dos clubs e entidades deportivas, subvencionando os programas de actividades deportivas a desenvolver eos investimentos realizados, referidos a proxectos de iniciación deportiva, fomento da práctica e competición deportiva; podendo consistir en programas, eventos ou competicións deportivas concretas ou na actividade ordinaria anual do club ou entidade deportiva solicitante.
O prazo para a presentación das solicitudes comeza o martes 18 de maio e remata o 7 de xuño.
Pódese descarga o texto integro do BOP na seguinte ligazón:
Pódese descargar a documentación para a solicitude da subvención nas seguintes ligazóns:
O Concello de Cedeira abre o prazo de solicitude dunha nova convocatoria de axudas para entidades e asociacións deportivas do municipio, que como en anteriores edicións conta cun apartado para actividades, dotado con 30.000€, e outro para investimentos, con 6.000€. O alcalde, Pablo Diego Moreda Gil, quixo recoñecer o esforzo realizado polos clubes da vila no último ano para manter o pulso pese ás dificultades e alentounos a seguir traballando, coas prevencións requeridas en cada momento, na confianza de que pouco a pouco recuperarán a plena normalidade.
“O goberno local está ao lado dos clubes para fomentar o deporte base, porque representa unha escola de hábitos saudables, de valores, de convivencia… e tamén apostamos polo deporte federado e celebramos o crecemento e os éxitos dos nosos e as nosas deportistas”, dixo o alcalde.
No apartado de actividades, a convocatoria de axudas vai dirixida a sufragar, con ata un máximo de 7.000€ por entidade, os gastos de compra de trofeos, material non inventariable, gastos de desprazamento e aloxamento para ir a competicións, aluguer de pistas deportivas, gastos federativos, de arbitraxes, nóminas do persoal técnico, carteis e outros materiais de difusión de eventos deportivos, seguros e outros gastos de mantemento como a luz, a auga, etc. En canto ao apartado de investimentos, os fondos van dirixidos a sufragar a compra de material inventariable.
O prazo de solicitude está aberto ata o 7 de xuño e a concesión de axudas resolverase polo procedemento de concorrencia competitiva, aplicando un baremo que ten en conta o número de nenos e nenas que toman parte nas escolas de deporte base, a participación feminina, a organización de competicións, a antigüidade do club, o número de deportistas federados, o número de técnicos, o menor importe da cuota mensual, o uso da lingua galega e o compromiso de colaboración dos Servizos Sociais do Concello.a