Curtametraxe “O túnel” co guión gañador do “III Concurso de Guións Contra a Violencia de Xénero 2016”
CURTAMETRAXE “O TÚNEL” CO GUIÓN GAÑADOR DO “III CONCURSO DE GUIÓNS CONTRA A VIOLENCIA DE XÉNERO 2016”
CURTAMETRAXE “O TÚNEL” CO GUIÓN GAÑADOR DO “III CONCURSO DE GUIÓNS CONTRA A VIOLENCIA DE XÉNERO 2016”
CEDEIRA RECUPERA AS VISITAS GUIADAS POLO INTERIOR DO CASTELO DA CONCEPCIÓN
Coa fin de manter a oferta turística tamén durante o outono, o Concello de Cedeira recupera as visitas guiadas polo interior do castelo da Concepción. A fortaleza abre as súas portas ao público durante as fins de semana.
A participación é gratuíta. O horario é ininterrompido, de 12.00 a 17.00 horas, tanto os sábados como os domingos. Fora do mesmo, o Concello tamén ofrece a posibilidade de coñecer a súa historia a persoas que veñan en grupo. Nese caso é necesario concertar a cita mediante unha chamada telefónica á oficina de Turismo (981 482 187).
O castelo da Concepción é un fortín que, situado na parte alta do porto pesqueiro, ofrece unha fermosa vista tanto da vila como do mar que se abre aos seus pes. A fortaleza está a defender Cedeira desde o século XVIII. Foi construída no ano 1747.
EXPOSICIÓN NO PALACETE DAS OBRAS PRESENTADAS AO CERTAME DE FOTOGRAFÍA “OBXECTIVO CEDEIRA”
O palacete municipal de Cedeira acolle desde hoxe a exposición do concurso de fotografía “Obxectivo Cedeira” organizado polo Concello. Trátase dunha mostra na que se recollen os traballos presentados ao certame, ademais de tres debuxos feitos con carbón vexetal por outros tantos alumnos de bacharelato do IES Punta Candieira.
Entre as obras expostas os visitantes teñen a posibilidade de coñecer un pouco máis de cerca as galardonadas. Estas foron: 1º premio, “Aí veñen”, de María Montserrat López García; 2º premio, “Preparando la faena” de Elena Abad Martínez, e 3º premio, “Sonreiras” de Alberte Couto.
A exposición estará aberta ao público ao longo do presente mes e pode se visitar en horario de apertura da Oficina de Turismo, de luns a venres de 9.00 a 15.00 e de 16.00 a 19.00 horas e os sábados de 10.00 a 14.00 horas. Os domingos permanece pechada.