Skip to content Skip to left sidebar Skip to footer

Andrés Gabarres Cagiao foi o gañador do IV Certame de pintura rápida “Vila de Cedeira”

ANDRÉS GABARRES CAGIAO FOI O GAÑADOR DO IV CERTAME DE PINTURA RÁPIDA “VILA DE CEDEIRA”

Andrés Gabarres Cagiao, de Ferrol, foi o gañador da cuarta edición do certame de Pintura Rápida “Vila de Cedeira”, unha convocatoria que este ano reuniu a un total de 14 artistas. Gabarres Cagiao pintou a praza da Rectoral.

O segundo premio foi para Roberto Castro Iglesias, que optou por reproducir a praza do Peixe, mentres que Pío Costa Beiro -gañador da primeira edición do concurso- se fixo co terceiro cunha obra colorista a Ponte Vella.

O alcalde, Pablo Moreda Gil, e máis a concelleira de Cultura, María Xosé Rodríguez Pérez, presidiron o acto de entrega de premios e destacaron o magnífico nivel das obras presentadas ao certame que cada ano que pasa ten moitos seguidores.

O Concello repartiu entre os premiados un total de 1.900 euros, de maneira que o primeiro recibiu 800; o segundo 600 e o terceiro 500, ademais dos diplomas correspondentes.