A Xunta xa ten como prioridade, cara ao 2018, o proxecto técnico da reforma da estrada AC-566

A XUNTA XA TEN COMO PRIORIDADE, CARA AO 2018, O PROXECTO TÉCNICO DA REFORMA DA ESTRADA AC-566

A obra de mellora que o goberno de Cedeira demanda da Xunta para a estrada AC-566, entre outros asuntos, levou ao alcalde, Pablo Moreda Gil, a entre­visarse hoxe co presidente do executivo autonómico, Alberto Núñez Feijóo, nun encontro “moi frutífero”, segundo apuntou Moreda. O alcalde e máis o concelleiro Manuel Pérez volveron á vila co compromiso de Núñez Feijóo de atopar, cara ao 2018, unha solución para reducir o tempo da viaxe entre Valdoviño e Cedeira.

Ese obxectivo pasa por dúas posibles alternativas una vez se proceda por parte dos técnicos á revisión do trazado, segundo o apuntado hoxe na reunión: ben coa intervención prevista para o tramo das denominadas curvas de Landeira -que cobre unha distancia de 2,5 quilómetros- ou coa creación dun terceiro carril en determinados puntos da estrada para permitir os adelantamentos de tráfico rodado.

Núñez Feijoo chegou a dicir que a reforma da estrada AC-566 “xa é unha prioridade para a Xunta cara ao 2018, no que ao proxecto técnico se refire”. Así, desde agora mesmo os técnicos da Xunta comezarán a traballar na elaboración dun anteproxecto no que estarán recollidas as dúas posibilidades coa fin de atopar á solución definitiva. Esta adoptarase nunha segunda reu­nión que os responsables da Xunta e do Concello mantendrán a mediados do próximo ano. As obras poderían licitarse no 2019.

Moreda Gil sinalou que “confiamos na palabra do presidente, que entende a preocupación que existe en Cedeira porque esta reforma se leve a cabo”. Nesta dirección, o alcalde de Cedeira reiterou a necesidade de mellorar a estrada para “garantir o dinamismo que ten que ter una so­ciedade para non quedar no olvido”.

O alcalde aproveitou así mesmo o encontro co presidente para poñer no seu coñecemento outros proxectos sobre os que tamén está a traballar o executivo local. Moreda informou a Fei­jóo de que o Concello xa ten un principio de acordo coa Consellería de Medio Rural para a ad­quisición da propiedade que comparte coa administración local a fin de garantir a ampliación do centro de saúde. O obxectivo é aumentar a súa actual capacidade ata un 40% coa ocupación dos terreos situados a carón do actual dispensario médico.

Outra iniciativa pasa por buscar a cofinanciación de outras administracións para ampliar a piscina municipal. O proxecto necesita dun investimento superior ao millón de euros, unha in­versión que o goberno local xustifica en base á saturación das actuais instalacións polos moitos usuarios que a comparten. A piscina ten só catro rúas e 16 metros de loxitude.