A RÍA DE CEDEIRA COMEZA NOS SUMIDOIROS

Dende o concello quérese lembrar que, Cedeira conta con canalizacións para a recollida diferenciada da auga de escorregamento pluvial. Deste xeito , a auga procedente da choiva, circula pola rede de pluviais sen recibir ningún tratamento, para acabar desembocando directamente no río e na ría.

Por este motivo, débense evitar xestos nocivos co medio ambiente como verter aos sumidoiros as augas de fregar, ou tirar cabichas e lixo no chan, que acabarán sendo arrastradas aos sumidoiros, producindo taponamentos na rede e efectos negativos sobre a vida mariña.

Todos e todas podemos contribuír á mellora da calidade das augas, facendo un uso responsable dos sumidoiros.